Рўйхатни беркитиш
Дарслар рўйхати
1446 йил 21 муҳаррам | 2024 йил 27 июль, шанба
Минтақа:
ЎЗ UZ RU EN
Ҳадис

Ҳадис дарслари (215-дарс) Ҳар бир мусулмон билиши шарт бўлган одоб

19:00 / 25.01.2023 3068 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

عَنْ عَلِيٍّ رَضِي اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: سِتْرُ مَا بَيْنَ أَعْيُنِ الْجِنِّ وَعَوْرَاتِ بَنِي آدَمَ إِذَا دَخَلَ أَحَدُهُمُ الْخَلَاءَ أَنْ يَقُولَ بِاسْمِ اللهِ. رَوَاهُ التِّرْمِذِيُّ وَأَحْمَدُ وَحَسَّنَهُ.

Али розияллоҳу анҳудан ривоят қилинади:

«Расулуллоҳ, соллаллоҳу алайҳи васаллам:

«Жинларнинг кўзи билан одам боласининг аврати ўртасидаги тўсиқ –  улардан бирининг халога киришда «Бисмиллаҳи», демоғидир», дедилар». 

Термизий ва Аҳмад ривоят қилганлар.

Одам боласи халога киришдан олдин «Бисмиллаҳ»ни айтса, унинг авратини жинларга кўрсатмайдиган тўсиқ пайдо бўлар экан.

Уламоларимиз иккала ҳадисни жамлаб, «Халога кираётган одам: «Бисмиллаҳи, аъузу биллаҳи минал хубуси вал хабаиси», дейиши керак», дейдилар.

عَنِ ابْنِ عُمَرَ رَضِي اللهُ عَنْهُ قَالَ: كَانَ النَّبِيُّ صَلَّى اللهُ عَلَيْهِ وَسَلَّمَ إِذَا أَرَادَ حَاجَةً لاَ يَرْفَعُ ثَوْبَهُ حَتَّى يَدْنُوَ مِنَ الْأَرْضِ. رَوَاهُ أَبُو دَاوُدَ وَالتِّرْمِذِيُّ.

Ибн Умар розияллоҳу анҳудан ривоят қилинади: 

«Набий соллаллоҳу алайҳи васаллам қазои ҳожатни ирода қилсалар, ерга яқинлашмагунларича кийимларини кўтармас эдилар». 

Абу Довуд ва Термизий ривоят қилганлар.

Абдуллоҳ ибн Умар розияллоҳу анҳу ривоят қилаётган бу ривоятда хало одобларидан яна бири баён қилинмоқда. Пайғамбаримиз соллаллоҳу алайҳи васаллам очиқ жойда қазои ҳожат қилганларида ҳеч кийимларини кўтармасдан, уни ерга текказиб, қилар эканлар. Албатта, бу иш аврат кўриниб қолмаслиги учун керак. Буни ҳар бир мусулмон ҳам билиши лозим.


«Ҳадис ва ҳаёт» китоби асосида тайёрланди

 

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
. . .Муоз ибн Жабал розияллоҳу анҳудан ривоят қилинади.Уфайр номли эшакда Набий соллаллоҳу алайҳи васалламнинг орқаларига давоми...

5741 12:09 / 22.01.2020
. Абу Умома розияллоҳу анҳудан ривоят қилинади .Расулуллоҳ соллаллоҳу алайҳи васалламнинг видолашув ҳажида хутба қилиб .Аллоҳга тақво давоми...

1269 19:00 / 13 март
Абу Ҳурайра розияллоҳу анҳудан ривоят қилинади .Набий соллаллоҳу алайҳи васаллам .Мўмин кишига унинг ўлимидан кейин ҳам етиб турадиган амали ва гўзал ишларидан давоми...

2923 19:00 / 25.05.2022
Ибн Умар розияллоҳу анҳудан ривоят қилинади.Набий соллаллоҳу алайҳи васаллам.Эй аёллар жамоаси, садақа қилинглар, истиғфорни кўпроқ айтинглар. Албатта, мен давоми...

7381 18:05 / 13.11.2019