Рўйхатни беркитиш
Дарслар рўйхати
1446 йил 13 Рамазон | 2025 йил 13 март, пайшанба
Минтақа:
ЎЗ UZ RU EN
Ҳадис

Намозда кийимнинг пок бўлиши | Ҳадис дарслари (291-дарс)

19:00 / 17.07.2024 1256 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

عَنْ أَسْمَاءَ رَضِيَ اللهُ عَنْهَا قَالَتْ: جَاءَتِ امْرَأَةٌ إِلَى النَّبِيِّ صَلَّى اللهُ عَلَيْهِ وَسَلَّمَ فَقَالَتْ: إِحْدَانَا يُصِيبُ ثَوْبَهَا مِنْ دَمِ الْحَيْضَةِ كَيْفَ تَصْنَعُ بِهِ؟ قَالَ: تَحُتُّهُ ثُمَّ تَقْرُصُهُ بِالْمَاءِ ثُمَّ تَنْضَحُهُ ثُمَّ تُصَلِّي فِيهِ. رَوَاهُ الْخَمْسَةُ.

Асмо розияллоҳу анҳодан ривоят қилинади:

«Бир аёл Набий соллаллоҳу алайҳи васалламнинг ҳузурларига келиб:

«Биримизнинг кийимига ҳайзнинг қонидан тегиб қолса, уни қандай қилади?» деди.

У зот соллаллоҳу алайҳи васаллам:

«Уни ишқалайди, кейин сув билан ювади, сўнгра сув қуяди ва унда намоз ўқийверади», дедилар».

Бешовлари ривоят қилганлар.

Шарҳ: Бу ерда кийимида нопоклик бор одам уни покламагунича намоз ўқий олмаслигини таъкидлаш учун келтирилмоқда.

عَنْ أَبِي سَعِيدٍ رَضِي اللهُ عَنْهُ قَالَ: بَيْنَمَا رَسُولُ اللهِ صَلَّى اللهُ عَلَيْهِ وَسَلَّمَ يُصَلِّي بِأَصْحَابِهِ إِذْ خَلَعَ نَعْلَيْهِ فَوَضَعَهُمَا عَنْ يَسَارِهِ، فَلَمَّا رَأَى ذَلِكَ الْقَوْمُ أَلْقَوْا نِعَالَهُمْ، فَلَمَّا قَضَى رَسُولُ اللهِ صَلَّى اللهُ عَلَيْهِ وَسَلَّمَ صَلَاتَهُ قَالَ: مَا حَمَلَكُمْ عَلَى إِلْقَائِكُمْ نِعَالِكُمْ؟ قَالُوا: رَأَيْنَاكَ أَلْقَيْتَ نَعْلَيْكَ فَأَلْقَيْنَا نِعَالَنَا، فَقَالَ: إِنَّ جِبْرِيلَ عَلَيْهِ السَّلَامُ أَتَانِي فَأَخْبَرَنِي أَنَّ فِيهِمَا قَذَرًا أَوْ أَذًى وَقَالَ: إِذَا جَاءَ أَحَدُكُمْ إِلَى الْمَسْجِدِ فَلْيَنْظُرْ فَإِنْ رَأَى فِي نَعْلَيْهِ قَذَرًا أَوْ أَذًى فَلْيَمْسَحْهُ وَلْيُصَلِّ فِيهِمَا. رَوَاهُ أَبُو دَاوُدَ وَأَحْمَدُ وَالْحَاكِمُ.

Абу Саъид розияллоҳу анҳудан ривоят қилинади:

«Расулуллоҳ соллаллоҳу алайҳи васаллам асҳобларига намоз ўқиб бераётиб, бирдан кавушларини ечиб, чап томонларига қўйдилар. Буни кўриб, қавм ҳам кавушларини ечди. Расулуллоҳ соллаллоҳу алайҳи васаллам намозни ўқиб бўлганларидан кейин:

«Кавушларингизни нима ечдирди?» дедилар. Улар:

«Сиз кавушларингизни ечганингизни кўриб, биз ҳам ечдик», дейишди.

Шунда у зот:

«Жаброил алайҳиссалом келиб, уларда нопок ёки ифлос нарса борлигини менга хабар қилди», дедилар ва:

«Бирортангиз масжидга келса, назар солсин. Агар кавушларида нопоклик ёки ифлос нарса кўрса, артиб ташласин ҳамда улар билан намоз ўқийверсин», дедилар».

Абу Довуд, Аҳмад ва Ҳоким ривоят қилганлар.

Шарҳ: Бу ерда қондан бошқа нопоклик бўлса ҳам уни кетказмагунча намоз ўқиб бўлмаслиги таъкидланмоқда.

«Ҳадис ва ҳаёт» китобининг 4-жузи асосида тайёрланди.

 

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
1. Толиби илм аввало, ихлосли, соф ниятли бўлиши керак. Илм талаб қилишда дунёвий ғаразларни, риёсат, мансаб, обрў ва шарафни кўзламаслиги лозим.2. Ўз юртидаги давоми...

5932 21:10 / 20.03.2019
Убода ибн Сомит розияллоҳу анҳу ўз ўғлига деди.Эй ўғлим Сен то ўзингга етган нарса сени четлаб ўтиши мумкин эмаслигини, ўзингни четлаб ўтган нарса сенга етиши давоми...

4617 13:00 / 14.10.2020
Ҳофизулкабир Абу Муҳаммад Абдуллоҳ ибн Абдурраҳмон ибн Фазл ибн Баҳром ибн Абдуссамад Тамимий Самарқандий адДоримий 182 ҳижрий санада Самарқанд шаҳрида дунёга давоми...

5269 13:40 / 29.05.2019
Ҳорис ибн Муслим Тамимий розияллоҳу анҳудан ривоят қилинади.Набий соллаллоҳу алайҳи васаллам менга шундай дедилар .Бомдод намозини ўқиб бўлганингдан кейин ҳеч давоми...

9521 23:55 / 28.03.2017