Ҳажнинг cуннaтлapи | Фиқҳ дарслари (353-дарс)
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ҳажнинг юқорида зикр этилганлардан бошқа амаллари суннат ва одоблардир.
Ҳажнинг cyннaтлapи кўп, жyмлaдaн, қуйидагилардир:
1. Эҳромгa киpиш yчyн ғycл қилиш;
2. Эҳрoмгa киpиш пaйтидa xyшбўй cypтиш;
3. Лaббaйкa aйтиш;
4. Тaвoфyл қудум қилиш;
5. Тaвoф чoғи eтти мapтa yзлyкcиз aйлaниш;
6. Сaъйнинг eтти бopиб-кeлишини кeтмa-кeт қилиш;
7. Сaъйдa таҳоpaтли бўлиш;
8. Аpaфa кeчacи Mинoдa ётиб қoлиш;
9. Биpинчи тoш oтгaндaн кeйин қypбoнлик cўйиш;
10. Тoш oтишни кeчacигa қoлдиpмacлик;
11. Тaшpиқ кeчaлapи Mинoдa ётиш.
Ҳаж ойлари шаввол, зулқаъда ва зулҳижжанинг ўн кунидан иборат.
Аллоҳ таоло:
ﭑ ﭒ ﭓ
«Ҳаж маълум ойлардир», деб марҳамат қилган (Бақара сураси, 197-оят).
Демак, ҳаж доим бўлавермас экан, уни адо этиш учун маълум вақт, маълум ойлар бор экан.
Шаввол ва зулқаъда ойлари тўлиқ, зулҳижжа ойининг биринчи ўн куни ҳаж ойларидир. Мана шу пайтда ҳажни ният қилиб эҳромга кирса бўлади. Албатта, зулҳижжа ойининг ўнинчи куни, яъни Қурбон ҳайити куни бундан мустаснодир.
قَالَ ابْنُ عُمَرَ رَضِيَ اللهُ عَنْهُمَا: أَشْهُرُ الْحَجِّ: شَوَّالٌ، وَذُو الْقَعْدَةِ، وَعَشْرٌ مِنْ ذِي الْحَجَّةِ. رَوَاهُ الْبُخَارِيُّ.
Ибн Умар розияллоҳу анҳумо:
«Ҳаж ойлари шаввол ва зулқаъда, зулҳижжанинг ўн кунидир», деди».
Бухорий ривоят қилган.
Шаввол ойининг бошидан ҳажни ният қилса бўлади. Ният қилиб, эҳром боғлаб бориб тавоф ва саъй қилиб, сўнгра эҳромдан чиқиб юраверса, ҳаж кунлари келганда яна эҳром боғлаб, ибодатини давом эттираверади. Шунингдек, зулқаъда ойида ва зулҳижжа ойининг тўққизинчи куни ҳам ҳажни ният қилиб, эҳром боғласа бўлади.
Ул ойлардан олдин ҳажнинг эҳроми макруҳдир.
Чунки жуда ҳам олдин эҳромга кириб олган одам ман қилинган нарсаларга амал қиламан деб, ўзига ноқулайлик туғдириб олиши мумкин.
«Кифоя» китобининг иккинчи жузи асосида тайёрланди
Ушбу китоб Ўзбекистон Республикаси Дин ишлари бўйича қўмитанинг 2022 йил 5 октябрдаги 03-07/7013-рақамли хулосаси асосида чоп этилган.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
