Рўйхатни беркитиш
Дарслар рўйхати
1444 йил 2 Рамазон | 2023 йил 23 март, пайшанба
Минтақа:
ЎЗ UZ RU EN
Фиқҳ

Фиқҳ дарслари (150-дарс). Азоннинг суннати

19:00 / 19.08.2021 2784 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

عَنْ مُحَمَّدِبْنِ عَبْدِ الْمَلِكِبْنِ أَبِي مَحْذُورَةَ،عَنْ أَبِيهِ، عَنْجَدِّهِ قَالَقُلْتُيَا رَسُولَ اللهِ،عَلِّمْنِي سُنَّةَالْأَذَانِ، قَالَ: «فَإِنْ كَانَ صَلَاةُالصُّبْحِ قُلْتَالصَّلَاةُخَيْرٌ مِنْ النَّوْمِ،الصَّلَاةُ خَيْرٌمِنْ النَّوْمِ». رَوَاهُأَبُو دَاوُدَ وَأَحْمَدُوَالدَّارَقُطْنِيُّ

 

Муҳаммад ибн Абдулмалик ибн Абу Маҳзурадан, у отасидан, у бобосидан ривоят қилинади:

«Эй Аллоҳнинг Расули! Менга азоннинг суннатини ўргатинг», дедим. У зот: 

«Қачонки бомдод бўлса, (азонида) «ас-солату хайрум минан-навм, ас-солату хайрум минан-навм…»ни айтасан», дедилар».

Дора Қутний, Аҳмад ва Абу Довуд ривоят қилишган.

Иқома ҳанафий мазҳаби бўйича, худди азоннинг лафзлари билан айтилади. Фақат «ҳайя ъалал фалаҳ»дан кейин икки марта «Қод қоматис солааҳ» («Намоз қоим бўлди»)ни қўшилади.

Иқома масжидга ёки жамоат намозига йиғилиб турганларга фарз намоз ўқиш бошланаётганини билдириш вазифасини ўтайди. Ёлғиз ўқиётган киши ҳам иқома айтса, яхши.

Барча ҳолатларда иқома айтиш суннати муаккададир. Азонни чўзиб, иқомани тезлатиброқ айтиш ҳаммага маълум.

Тасвийб қилинса яхши.

«Тасвийб» – азон билан иқома орасида иқома айтиш вақти яқинлашганини билдириб қўйиш. Бу баъзи жойларда «Ас-солаҳ!», бошқа бир ерларда «Қомат!» каби иборалар билан қилинади. 

Иккисининг орасида бир оз ўтирилади.

عَنْ جَابِرِرَضِي اللهُ عَنْهُأَنَّ رَسُولَاللهِ صلى الله عليه وسلم قَالَلِبِلَالٍ: «يَا بِلَالُ،إِذَا أَذَّنْتَ فَتَرَسَّلْفِي أَذَانِكَ، وَإِذَاأَقَمْتَ فَاحْدُرْ، وَاجْعَلْبَيْنَ أَذَانِكَ وَإِقَامَتِكَ قَدْرَ مَايَفْرُغُ الْآكِلُ مِنْأَكْلِهِ وَالشَّارِبُ مِنْشُرْبِهِ وَالْمُعْتَصِرُ إِذَادَخَلَ لِقَضَاءِ حَاجَتِهِ». رَوَاهُ التِّرْمِذِيُّ

 

Жобир розияллоҳу анҳудан ривоят қилинади:

«Расулуллоҳ соллаллоҳу алайҳи васаллам Билолга: 

«Эй Билол, қачон азон айтсанг, азонингни шошилмай, чўзиб айт. Қачон иқома айтсанг, тезроқ айт. Азонинг билан иқоманг орасида таом еювчи таомидан, шароб ичувчи шаробидан, қистаниб қолган қазои ҳожатдан фориғ бўлгунча вақт қўй», деганлар». 

Термизий ривоят қилган.

Фақат шом бундан мустасно. 

Шомни тезроқ ўқишга амрлар борлиги учун азондан кейин ўтирмасдан, бир оз ўтиши билан иқома айтилади.

Битта қазо намозга азон ҳам, иқома ҳам айтади.

«Кифоя» китобининг биринчи жузи асосида тайёрланди

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
иккинчи мақола5. Суянган нарсаси олиб ташланса, йиқилиб тушувчининг уйқуси.Яъни бир одам бир нарсага суяниб ўтирган ҳолида ухламоқда. Агар ўша суянган нарсани давоми...

1554 14:04 / 06.08.2020
1. Қазои ҳожат қилмоқчи бўлган шахс Аллоҳ таолонинг исми ёзилган, шунингдек, малоикалар, .Азийз,, .Карим,, .Муҳаммад,, .Аҳмад,га ўхшаш улуғ исмлар ёзилган нарсаларни давоми...

1773 16:16 / 22.04.2021
.Васий, етим болаларга қараб, уларнинг молмулкларини тасарруф қилиб туриш топширилган кишидир.Васийни отанинг ўзи ўлими олдидан васият йўли билан, давоми...

899 19:23 / 30.08.2020
Мисвок ишлатиш фақат таҳорат ва намоз билан боғлиқ эмас. Балки яна кўп ҳолатларда мисвок ишлатиш мустаҳабдир1. Қўҳистонийrdquoда айтилишича, мисвок таҳоратга хос давоми...

2874 05:00 / 18.01.2017