Рўйхатни беркитиш
Дарслар рўйхати
1445 йил 14 шаввол | 2024 йил 23 апрель, сешанба
Минтақа:
ЎЗ UZ RU EN
Фиқҳ

Fассолда лозим бўлган шартлар | Фиқҳ дарслари (266-дарс)

19:00 / 25 январь 1144 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Мўмин-мусулмон маййитни ювадиган ғассолда қуйидаги шартлар мавжуд бўлиши лозим:

1. Ислом.

2. Ният.

 Ҳанафийлар, ният фарзи кифояни соқит қилиш учун шарт, деганлар.

3. Ақл.

Fассол ишончли, омонатли, ғуслнинг ҳукмларини биладиган шахс бўлиши мустаҳабдир.

Fассол ва у билан бирга маййитни ювишда иштирок этадиганлар кўзларини тийишлари лозим. Маййит тирик пайтида одамларга кўрсатмайдиган жойларини беркитишлари керак.

عَنِ النَّبِيِّ صَلَّى اللهُ عَلَيْهِ وَسَلَّمَ أَنَّهُ قَالَ: «مَنْ غَسَّلَ مَيِّتًا ثُمَّ لَمْ يُفْشِ عَلَيْهِ خَرَجَ مِنْ ذُنُوبِهِ كَيَوْمِ وَلَدَتْهُ أُمُّهُ». رَوَاهُ ابْنُ مَاجَهْ.

Набий соллаллоҳу алайҳи васалламдан қилинган ривоятда:

«Ким бир маййитни ювса-ю, уни сатр қилса, гуноҳларидан худди онасидан туғилган кунидагидек бўлиб чиқади», дейилган.

Ибн Можа ривоят қилган.

Маййитни бегона кўзлардан беркитиш керак. Унинг айби бўлса, биров кўриб қолмасин.

Маййитни уйнинг ичида ювиш ва у ерда ғассолга ёрдам берадиган кишилардан бошқалар бўлмаслиги мустаҳабдир.

Fассол ёрдамга муҳтож бўлмаса, ёлғиз ўзи ювгани афзал.

Fассол маййитни юваётганда хушбўй нарсалар тутатилса, яна ҳам яхши бўлади.

Fассол ва бошқалар маййитнинг авратига назар солмасликлари лозим.

Авратни ювганда қўлига латта кийиб олиб ювиш шарт.

Fассол маййитнинг баданидан керак бўлмаган жойларига назар солмайди.

Fассоллик, маййитни кафанлаш, унга гўр қазиш каби ишларга ҳақ олмаган афзал.

Fассол маййитни ювиб бўлганидан кейин ўзи ғусл қилиши мустаҳабдир.

«Кифоя» китобининг биринчи жузи асосида тайёрланди

Ушбу китоб Ўзбекистон Республикаси Дин ишлари бўйича қўмитанинг 2022 йил 5 октябрдаги 03-07/7013-рақамли хулосаси асосида чоп этилган.

 

 

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Аллоҳ таоло Қуръони Каримда шундай марҳамат қилади.Сизларга хотинларингиз қолдирган нарсанинг ndash агар уларнинг боласи бўлмаса ndash ярмидир. Агар уларнинг боласи давоми...

2239 11:05 / 04.12.2019
Аллоҳ таоло .Денгиз ови ва унинг таоми сизга ва сайр қилувчиларга ҳалол қилинди,, деган.Шарҳ .Денгиз ови, деганда, фақат сувда яшайдиган, сувдан чиқса яшай давоми...

3910 05:00 / 17.02.2017
Авл бўлмайдиган масалаларАсли икки бўлганда авл бўлмаслигига мисолларndash Аёл кишининг ортидан эри ва туғишган синглиси қолди.Бунда масаланинг асли икки бўлади. давоми...

1468 12:30 / 05.05.2020
. . Салмон розияллоҳу анҳудан ривоят қилинади .У кишига .Набийингиз сизларга ҳамма нарсани, ҳатто қандай қазои ҳожат қилишни ҳам ўргатди,, давоми...

2869 14:30 / 15.04.2021