Рўйхатни беркитиш
Дарслар рўйхати
1442 йил 15 рабиъус сони | 2020 йил 01 декабрь, сешанба
Минтақа:
ЎЗ UZ RU EN
Фиқҳ

Фиқҳ дарслари (58-дарс). Ҳиндистон Ислом фиқҳи Академияси

14:05 / 07.11.2019 1503 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Академиянинг таъсис санаси: 1989 йил.

Ўрни: Нюделҳи, Ҳиндистон.

Бош муассис: Марҳум қози Мужоҳид Ислом Қосимий.

Академия бош котиби: Шайх Холид Сайфуллоҳ Роҳманий.

Академиянинг умумий мақсадлари

– Исломий фиқҳга аҳамият бериш;

– Замонавий муаммоларда жамоавий ижтиҳод;

– Янгича муаммоларга шаръий ечим;

– Йўналишни давом эттирувчи ёшларни тарбиялаш.

Долзарб масалалар

Ҳиндистон Ислом Фиқҳи Академияси ташкил этилганидан бери қуйидаги долзарб масалаларни амалга оширишни ўзига мақсад қилиб олган:

1. Иқтисодий, ижтимоий, сиёсий, саноат каби соҳалардан келиб чиққан муаммоларни Қуръон, суннат, саҳобалар фикри ва салаф уламолари сўзлари асосида ҳал қилиш.

2. Замонавий аср янгиликларига ечим топиш, ҳолат ўзгариб қолса, ижтимоий тадқиқ йўлидан бориб, исломий фиқҳ усуллари соясида қадимий муаммоларга солиштириб, ўша ишни қайтадан кўриш.

3. Исломий фиқҳ манбалари, қоидалари, умумий тушунчалари ва фиқҳий назарияларнинг шарҳи, таъвили ва татбиғини йўлга қўйиш.

4. Исломий фиқҳ ва унинг шарҳини асримиз услубида тақдим қилиш.

5. Фиқҳ мавзуларини асримиз талаб ва эҳтиёжларига қараб ўрганиш.

6. Янги муаммоларда ишончли диний муассаса ёки муҳаққиқ уламолар фикр билдирган фатволарни қўлга киритиш, сўнгра ўша фатволарни мусулмонлар оммаси орасида тарқатиш.

7. Жамики фиқҳий муассасалар ва Ҳиндистон ичкариси ва ташқарисидаги бошқа тадқиқотчилар билан алоқани тиклаш, илмий маълумотларни айирбошлаш.

8. Фиқҳий мавзуларда турли қомусларни тайёрлаш.

9. Уламолар ва ишончли муассасалар томонидан ишлаб чиқилган фатволарни танлаб, уни асримиз услубида намойиш қилиб, бу билан маънавий меросимизни сақлаб, келгуси авлодларга фойдани умумийлаштириш.

10. Иқтисодий, ижтимоий ва тиббиёт ишларида пайдо бўлган муаммоларни бартараф қилиш ҳамда ҳар турли ўлка, муҳитларни ўрганиш ва Ҳиндистон ичида ёки ташқарисида маърифий ишларни олиб бориш, тадқиқ этилган натижалардан одамларни огоҳ этиш.

11. Исломий қонунлар татбиғини ҳинд маҳкамалари ёки унинг ташқарисида содир бўлаётган ҳукмларда намойиш этиш.

12. Ислом қонунларига мусташриқлар (шарқшунослар) ёки бошқа кимсалар томонидан билдирилаётган шубҳаларни бартараф қилиб, саҳиҳ фикрларни тарқатиш.

13. Исломга қарши йўналтирилган янгича саволларга асримизга мувофиқ келадиган услубда раддиялар қайтариш.

14. Қобилиятли ёш уламоларни шижоатлантириб, тадқиқот ва изланишлар учун уларни тарбиялаб, уламоларни битта марказга боғлаш.

15. Диний мадрасалардаги кучли устозлар ва замонавий университетни битирувчи ақлли кишиларимизнинг фиқҳий ва диний асосларини асримиздаги зарурий, асосий илмлар билан бойитиб, уларга лозим бўлган аҳамиятни қаратиш.

16. Мазкур мақсадларни амалга ошириш учун ҳалқалар, йиғинлар ва имконият кўтарганича илмий муассасаларни барпо қилиб, тадқиқот ҳайъатларини ташкил этиш.

«Фиқҳий йўналишлар ва китоблар» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
1. .Алмаворийс фишшарийъатил Исламийяти фий зовъил Қуръани вассуннати,.Бу китобнинг муаллифи машҳур олим Муҳаммад Али Собунийдир. Шайх Собуний бу китобини Маккаи давоми...

1311 14:00 / 07.07.2019
Бисмиллаҳир Роҳманир Роҳийм. Алҳамдулиллаҳи Роббил аламийн. Вассолату вассаламу ала Саййидина Муҳаммад ва ала олиҳи ва асҳабиҳи тоййибийна тоҳирийн.Жобир давоми...

2203 05:00 / 19.01.2017
Бисмиллаҳир роҳманир роҳиймБизларга рўза тутишни фарз қилиб, рўзани Ислом рукнларидан бири қилган Аллоҳга ҳамду санолар, Роббисига энг яхши ибодат қилган намоз давоми...

1930 05:00 / 19.01.2017
Байрамлар ва турли тантаналар одобиБарча халқларда қадимдан ўтган улуғ кишиларни, машshyҳур кунларни, воқеаларни ёки бошқа муносабатларни эслаш, қадрлаш учун давоми...

2141 05:00 / 06.03.2017
Топ рейтинг www.uz Openstat