Рўйхатни беркитиш
Дарслар рўйхати
1445 йил 9 Рамазон | 2024 йил 19 март, сешанба
Минтақа:
ЎЗ UZ RU EN
Сийрат

Сийрат дарслари (204-дарс) Рухсатсиз икки кишининг орасига ўтирманг!

23:03 / 11.11.2022 1847 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

783. Абдуллоҳ ибн Умар розияллоҳу анҳумодан ривоят қилинади:

«Расулуллоҳ соллаллоҳу алайҳи васаллам: «Агар уч киши бўлса, иккитаси учинчини қўйиб пичирлашмайди», дедилар».

Бухорий ва Муслим ривоят қилишган.

784. Абдуллоҳ ибн Умар розияллоҳу анҳумодан ривоят қилинади:

«Расулуллоҳ соллаллоҳу алайҳи васаллам: «Киши кишини ўтирган еридан турғизиб, ўрнига ўтирмасин. Лекин сурилинглар ва кенгайинглар», дедилар».

Бухорий ва Муслим ривоят қилишган.

785. Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Бирортангиз ўтирган жойидан турсаю, сўнг унга қайтса, у ўша жойига ҳақлироқ бўлади», дедилар».

Муслим ривоят қилган.

786. Жобир ибн Самура розияллоҳу анҳудан ривоят қилинади:

«Набий соллаллоҳу алайҳи васалламнинг ҳузурларига келсак, ҳар биримиз қаер тўғри келса, ўша ерга ўтирар эди».

Абу Довуд, Термизий ва Ибн Ҳиббон ривоят қилишган.

787. Абдуллоҳ ибн Амр розияллоҳу анҳумодан ривоят қилинади:

«Расулуллоҳ соллаллоҳу алайҳи васаллам: «Ҳеч ким икки кишининг орасига уларнинг изнисиз ўтирмасин», дедилар».

Абу Довуд ва Термизий ривоят қилишган.

788. Абу Мусо Ашъарий розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Солиҳ улфат ва ёмон улфатнинг мисоли мушк сотиб юрувчи ва босқончига ўхшайди. Мушк сотувчи ё сенга беради, ё сен ундан сотиб оласан, ёхуд ундан хушбўй ҳидни туясан. Босқончи бўлса, ё кийимингни куйдиради, ё сен ундан қўланса ҳидни туясан», дедилар».

Бухорий ва Муслим ривоят қилишган.

«Расулуллоҳ соллаллоҳу алайҳи васаллам» китобидан



Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Йигирма тўртинчи суннат Маймуна розияллоҳу анҳодан ривоят қилинади.Набий соллаллоҳу алайҳи васалламдан ёққа тушган сичқон ҳақида сўралди. У зот соллаллоҳу давоми...

3518 20:00 / 22.07.2019
312. Абу Ҳурайра розияллоҳу анҳудан ривоят қилинади .Набий соллаллоҳу алайҳи васаллам .Беш вақт намоз, жумадан жумагача ва Рамазондан Рамазонгача бўлган ушбу давоми...

669 19:00 / 18.11.2023
751. Оиша розияллоҳу анҳодан ривоят қилинади .Расулуллоҳ соллаллоҳу алайҳи васалламнинг .Албатта, мўмин ўзининг гўзал хулқи билан рўза тутувчи ва бедор давоми...

2041 19:00 / 05.08.2022
. .Жобир розияллоҳу анҳудан ривоят қилинади.Набий соллаллоҳу алайҳи васаллам Умму Соибнинг ҳузурига кирдилар ва.Эй Умму Соиб, сенга нима давоми...

3795 12:27 / 08.01.2019
Аудиолар

118130 11:58 / 10.10.2018
«Ҳилол» журнали
Китоблар