Австрияда «Ислом асослари» ўқув дастурининг биринчи босқичи якунланди

Австрияда Вена ислом маркази томонидан ташкил этилган «Ислом асослари» ўқув машғулотининг биринчи босқичини муваффақиятли якунлади. Ушбу лойиҳа иштирокчиларга диний билимларни тартибли дастур асосида ўрганиш имконини берди.

Ўқув жараёни давомида ўқувчиларга қуйидаги муҳим мавзулар ўргатилди:

- Ақида: Иймон асослари ва эътиқод масалалари;

- Ибодат: Намоз, рўза ва бошқа амалий ҳукмлар;

- Сийрат: Пайғамбаримиз Муҳаммад соллаллоҳу алайҳи васалламнинг ҳаёт йўллари.

Машғулотлар назарий дарслар, савол-жавоблар ва эркин мулоқот шаклида олиб борилди. Бу эса ўқувчиларга мавзуларни яхши англаш ва шахсий саволларига жавоб топиш имконини яратди.

Ўқув дастури якунида иштирокчиларга махсус сертификатлар ва бепул исломий адабиётлар топширилди. Шунингдек, марказ томонидан «Мусулмонларга ҳамроҳлик дастури» тақдим этилди. Ушбу дастур мусулмонларга кундалик ҳаётда амалий маслаҳатлар бериш ва уларни маънавий қўллаб-қувватлашни мақсад қилган.

Манба: Вена Ислом маркази.