Рўйхатни беркитиш
Дарслар рўйхати
1445 йил 9 Рамазон | 2024 йил 19 март, сешанба
Минтақа:
ЎЗ UZ RU EN
Сийрат

Сийрат дарслари (9-дарс)

11:06 / 30.11.2018 4632 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

60. Оиша розияллоҳу анҳодан ривоят қилинади:

«Ой ўтиб кетса ҳамки, Оли Муҳаммад соллаллоҳу алайҳи васалламнинг  хонадонларида олов ёқилмасди, (емагимиз) хурмо ва сув бўларди, холос».

Бухорий ва Муслим ривоят қилишган.

* * *

61. Оиша розияллоҳу анҳодан ривоят қилинади:

«Оли Муҳаммад соллаллоҳу алайҳи васаллам то у зот қабз қилингунларича арпа нонга икки кун кетма-кет тўйишмаган».

Бухорий ва Муслим ривоят қилишган.

* * *

62. Оиша розияллоҳу анҳодан ривоят қилинади:

«Набий соллаллоҳу алайҳи васаллам ширинлик ва асални яхши кўрар эдилар».

Бухорий ва Муслим ривоят қилишган.

* * *

63. Оиша розияллоҳу анҳодан ривоят қилинади:

«Расулуллоҳ соллаллоҳу алайҳи васаллам ширин ва яхна ичимликларни яхши кўрар эдилар».

Термизий ва Ҳоким ривоят қилишган.

* * *

64. Анас ибн Молик розияллоҳу анҳудан ривоят қилинади:

«Бир тикувчи одам таом тайёрлаб, Расулуллоҳ соллаллоҳу алайҳи васалламни чорлади. Мен ҳам у зот билан бирга бордим. Шунда у арпа нон ва қуритилган гўштли, ошқовоқли шўрва қўйди. Набий соллаллоҳу алайҳи васалламнинг лаган атрофидаги ошқовоқни териб еяётганларини кўрдим. Ўша кундан буён ошқовоқни яхши кўраман».

Бухорий ва Муслим ривоят қилишган.

* * *

65. Анас розияллоҳу анҳудан ривоят қилинади:

«Расулуллоҳ соллаллоҳу алайҳи васалламни ушбу косамда турли ичимликлар: асал, набийз, сув ва сут билан сийладим».

Муслим ривоят қилган.

 

Набийз-хурмо ёки майизни сувга солиб, ивитиб тайёрланадиган хуштаъм, маст қилмайдиган ичимлик.

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
104. Усома розияллоҳу анҳудан ривоят қилинади.Набий соллаллоҳу алайҳи васалламнинг қизлари у зотга .Тезроқ келинг, ўғлим қабзи руҳ бўлмоқда,, деб одам юборди. У зот давоми...

2533 11:00 / 05.01.2019
Расулуллоҳ давриларидаги ғазот ва сарийяларБиз Исломдаги ғазот ва сарийяларга алоҳида бир назар ташлаб чиқишимиз лозим. Бу масалада тўғри англашимиз зарур давоми...

11477 20:07 / 28.04.2017
20. Жобир ибн Самура розияллоҳу анҳудан ривоят қилинади.Расулуллоҳ соллаллоҳу алайҳи васалламнинг оғизлари кенг, кўзлари каттароқ ва товонларининг гўшти оз давоми...

5258 11:02 / 29.10.2018
Аллоҳга ҳамдлар бўлсин, Расулуллоҳга саловот саломлар бўлсин, У зотнинг саҳобаларидан Аллоҳ рози бўлсин.Биз мусулмонлар қанча фахрлансак арзийдики, Аллоҳ таоло давоми...

4273 19:11 / 28.04.2017
Аудиолар

118125 11:58 / 10.10.2018
«Ҳилол» журнали
Китоблар