Рўйхатни беркитиш
Дарслар рўйхати
1446 йил 21 муҳаррам | 2024 йил 27 июль, шанба
Минтақа:
ЎЗ UZ RU EN
Сийрат

«Икки лаънат келтирувчидан сақланинглар» | Сийрат дарслари (249-дарс)

19:00 / 30.09.2023 1978 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

285. Анас ибн Молик розияллоҳу анҳудан ривоят қилинади:

«Набий соллаллоҳу алайҳи васаллам ва у зотнинг аёлларидан бири бир идишдан ғусл қилишар эди».

Бухорий ривоят қилган.

286. Умму Қайс бинт Миҳсон розияллоҳу анҳодан ривоят қилинади:

«У ҳали овқатга кирмаган ўғилчасини Расулуллоҳ соллаллоҳу алайҳи васалламга олиб келди. Расулуллоҳ соллаллоҳу алайҳи васаллам уни қучоқларига ўтқизган эдилар, бирдан кийимларига бавл қилиб юборди. Шунда у зот сув олдириб келиб, унинг устига сепдилар, лекин ювмадилар».

Бухорий ва Муслим ривоят қилишган.

287. Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Икки лаънат келтирувчидан сақланинглар», дедилар. «Эй Аллоҳнинг Расули, икки лаънат келтирувчи нима?» дейишди. «Одамларнинг йўлига ва соя жойга хало қилиш», дедилар».

Муслим ва Абу Довуд ривоят қилишган.

288. Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам: «Бирортангиз қазои ҳожатга ўтирса, қиблага юзланмасин ва унга ортини ҳам қилмасин», дедилар».

Муслим ривоят қилган.

Бошқа ривоятда шундай келган:

«Расулуллоҳ соллаллоҳу алайҳи васаллам: «Мен сизларга худди отанинг ўрнидаман, сизларга таълим бераман. Қачон бирортангиз қазои ҳожатга борса, қиблага юзланмасин ва унга ортини ҳам қилмасин. Ўнг қўли билан тозаланмасин», дедилар. Ва учта тош (ишлатиш)га буюрар ҳамда тезак ва суяк (ишлатиш)дан қайтарар эдилар».

Абу Довуд, Насоий ва Ибн Можа ривоят қилишган.

289. Хузайма ибн Собит розияллоҳу анҳудан ривоят қилинади:

«Тозаланиш (истинжо) ҳақида Расулуллоҳ соллаллоҳу алайҳи васалламдан сўралди. Шунда у зот айтдилар: «Учта тош билан, ичида тезак бўлмасин».

Абу Довуд ва Ибн Можа ривоят қилишган.

«Расулуллоҳ соллаллоҳу алайҳи васаллам» китобидан

Ушбу китоб Ўзбекистон Республикаси Дин ишлари бўйича қўмитанинг 2022 йил 30 ноябрдаги 03-07/9078-рақамли хулосаси асосида чоп этилган.

 

 

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
266. Абу Саъд ибн Абу Фазола розияллоҳу анҳудан ривоят қилинади .Расулуллоҳ соллаллоҳу алайҳи васалламнинг қуйидагиларни айтганларини эшитдим .Келишига шубҳа давоми...

1503 19:00 / 26.08.2023
104. Усома розияллоҳу анҳудан ривоят қилинади.Набий соллаллоҳу алайҳи васалламнинг қизлари у зотга .Тезроқ келинг, ўғлим қабзи руҳ бўлмоқда,, деб одам юборди. У зот давоми...

2645 11:00 / 05.01.2019
Абу Ҳурайра розияллоҳу анҳудан ривоят қилинади.Набий соллаллоҳу алайҳи васаллам ҳожатларига чиққан эдилар, ортларидан бордим. Одатда у зот ортларига қарамас давоми...

4470 15:00 / 09.08.2019
321. Абу Ҳурайра розияллоҳу анҳудан ривоят қилинади .Расулуллоҳ соллаллоҳу алайҳи васаллам .Агар умматимга машаққат бўлишини ўйламаганимда, уларни ҳар намоздан давоми...

1241 19:00 / 01.12.2023