Рўйхатни беркитиш
Дарслар рўйхати
1446 йил 26 Рамазон | 2025 йил 26 март, чоршанба
Минтақа:
ЎЗ UZ RU EN
Сийрат

Сийрат дарслари (89-дарс). Набийнинг суннатини тарк қилиш, залолатга кетишдир

13:30 / 12.06.2020 3714 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

373. Жобир розияллоҳу анҳудан ривоят қилинади:

«Масжид атрофидаги ерлар бўшаб қолди. Бану Салама масжид яқинига кўчиб ўтмоқчи бўлди. Бу Расулуллоҳ соллаллоҳу алайҳи васалламга етиб келди.  Шунда у зот уларга «Менга етиб келишича, сизлар масжид яқинига кўчиб ўтишни хоҳлаётган экансизлар». «Ҳа, эй Аллоҳнинг Расули, шуни хоҳладик». Шунда у зот «Эй Бану Салама, ҳовлиларингизда қолинглар, изларингиз(га савоб) ёзилади,  ҳовлиларингизда қолинглар, изларингиз(га савоб) ёзилади»,  дедилар»

Муслим ривоят қилган.

374. Абдуллоҳ ибн Масъуд розияллоҳу анҳудан ривоят қилинади:

«Эртага Аллоҳга мусулмон ҳолида рўбарў бўлиш кимни хурсанд қилса, намозларни уларга нидо қилинадиган жойда муҳофаза қилсин. Албатта, Аллоҳ таоло Набийингизга ҳидоят суннатларини шариат қилгандир. Албатта, улар ҳидоят суннатларидандир. Агар сизлар манави уйида қолган каби уйингизда намоз ўқисангиз, Набийингизнинг суннатини тарк қилган бўласиз. Агар Набийингизнинг суннатини тарк қилсангиз, залолатга кетган бўласиз. Қай бир киши яхшилаб таҳорат қилса, сўнгра масжидлардан бирини қасд қилса, албатта, Аллоҳ таоло ҳар босган қадами учун унга бир яхшилик ёзади, бир даражасини кўтаради ва бир хатосини ўчиради. Бизнинг билишимизча, улардан мунофиқлиги очиқ-ойдин мунофиққина орқада қолади. Бир кишини икки киши суяб олиб келиб, сафга турғазган ҳоллари ҳам бўлган».

Муслим ривоят қилган.

375. Бурайда розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Масжидларга қоронғида юриб борувчиларга Қиёмат куни тўлиқ нур бўлишининг башоратини бер»дедилар».

Абу Довуд, Термизий ва Ибн Хузайма ривоят қилишган.

«Расулуллоҳ соллаллоҳу алайҳи васаллам» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Саҳобалар пайғамбаримизни қандай севишардиОламларга раҳмат қилиб юборилган, анбиёю мурсалинлар хотами, башариятнинг энг улуғ вакили саййидимиз Муҳаммад давоми...

4997 20:12 / 28.04.2017
32. Анас ибн Молик розияллоҳу анҳудан ривоят қилинади.Набий соллаллоҳу алайҳи васаллам унга .Эй икки қулоқли, дедилар,. Яъни, мутойиба қилдилар.Абу Довуд ва давоми...

6380 11:01 / 05.11.2018
Ибн Умар розияллоҳу анҳудан ривоят қилинади.Набий соллаллоҳу алайҳи васаллам.Намозингиз ила қуёшнинг чиқишини ҳам, ботишини ҳам намоз вақти қилиб олманглар. давоми...

2757 11:00 / 28.06.2020
Жубайр ибн Мутъам розияллоҳу анҳудан ривоят қилинади .Набий соллаллоҳу алайҳи васаллам .Менинг бир неча исмларим бор мен Муҳаммадман. Мен Аҳмадман. Мен Моҳийман давоми...

4965 19:03 / 28.04.2017