1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Мақолалар

Эй уммат қиёмат яқин... (тўртинчи мақола)

15:33 / 12.06.2020 2334 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ҳузайфа ал-Ғифорий розияллоҳу анҳудан ривоят қилинади: «Набий алайҳиссалом олдимизга чиқиб келдилар. Биз гаплашиб ўтирган эдик. Бас, у зот: «Нимани гаплашмоқдасизлар?» дедилар. «Қиёматни гаплашмоқдамиз», дейишди. «Албатта, у ундан олдинги ўнта аломатни кўрмагунингизча қоим бўлмас», дедилар ва Тутунни, Дажжолни, Доббани, қуёшнинг мағрибидан чиқишини, Ийсо ибн Марям соллаллоҳу алайҳи васалламни нозил бўлишларини, Яъжуж-Маъжужни, учта ер ютишни; машриқдаги ер ютишни, мағрибдаги ер ютишни ва араб жазирасидаги ер ютишни ва охири Ямандан чиқиб одамларни маҳшарга қувлайдиган ўтни зикр қилдилар».

Муслим, Термизий ва Абу Довуд ривоят қилишган.

Шарҳ: Бу ҳадису-шарифда қиёматнинг катта аломатларидан бир нечтаси ҳақида сўз кетмоқда.

1.Тутун.

Қиёматдан олдин бир тутун зоҳир бўлади. У кофирларнинг нафасини олади ва мўминлар учун тумовдек бўлади. Ўша тутун ер юзида қирқ кун туради.

2.Дажжол.

Дажжол ҳақидаги батафсил маълумотлар келгуси саҳифаларда келади, иншааллоҳ.

3.Добба.

Қиёматнинг энг катта аломатларидан бири бўлган «Добба»-жонвор ҳақида «Намл» сурасида бир оят бор. Аллоҳ таоло:
«Қачонки уларнинг бошига сўз(ланган азоб) тушганида, Биз улар учун ердан бир добба-жонивор чиқарамиз. У уларга, албатта, одамлар Бизнинг оятларимизга ишонмайдиган бўлганларини айтиб беради», деган.

Бу ҳодиса қиёматнинг аломатларидан биридир. Аллоҳ таоло ушбу ояти каримада кофирлар бошига ваъда қилинган сўз–қиёмат азоби тушиш чоғида ердан бир ҳайвон чиқариши ҳақида хабар бермоқда. Демак, бу ишнинг бўлиши муқаррарлигида ҳеч қандай шубҳа йўқ. Саҳиҳ ҳадиси шарифларда бу ҳайвон қиёматнинг аломатларидан бири эканлиги, тавба қилса, фойда бермайдиган вақт бўлиб қолганда чиқиши ҳақида хабарлар келган.

Ҳофиз ибн Касир: «Бу жонивор охири замонда, одамлар фасодга берилганда, Аллоҳнинг амрини тарк қилганларида ва ҳақ динни ўзгартирганларида чиқади», деганлар.

(Давоми бор)

Islom.uz портали таҳририяти

Мавзуга оид мақолалар
Хотинқизлар, хуш бўйлар меҳри,Бу дунёда дилга бўлди жо.Кўнглим хуши, кўзим қорасиДил юпанчи намозда аммо.Муҳаммад соллаллоҳу алайҳи васалламнинг бу ҳикматли давоми...

1145 17:30 / 31.10.2020
Аллоҳ таоло бу ҳаётда инсонни ажойиб буюк ҳикмат учун пайдо қилди. У ҳам бўлса синовдан ўтказишдир. Аллоҳ таоло ушбу дунё хаётида инсонни бошқа бир биродари олдида давоми...

1570 11:00 / 06.05.2020
Истанбулда бутун дунёга машҳур бўлган жуда кўп гўзал жойлар бор. Султон шаҳрининг ажойиб ва чиройли масканлари қаторига китоб шаклида безатилган ўриндиқларни давоми...

2574 11:00 / 06.02.2019
Аниқ қачон бўлгани эсимда йўғу, бир пайтлар бир танишим мендан .Нима учун намоз ўқийсан, деб сўраб қолди. Сабабини айтишдан олдин унга .Сенга иллатини айтайми ёки давоми...

1493 15:00 / 14.12.2021
Аудиолар

118781 11:58 / 10.10.2018
«Ҳилол» журнали
Китоблар

40729 14:35 / 11.08.2021