Рўйхатни беркитиш
Дарслар рўйхати
1446 йил 17 рабиъул аввал | 2024 йил 20 сентябрь, жума
Минтақа:
ЎЗ UZ RU EN
Ақийда

Ақийда дарслари (65-дарс). Расулуллоҳ алайҳиссаломнинг танлаб олинган исмлари

21:07 / 23.12.2019 4679 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Албатта, Муҳаммад соллаллоҳу алайҳи васаллам У Зотнинг мустафо бандаси, мужтабо Набийси ва муртазо Расулидир.

Билингки, «мустафо», «мужтабо» ва «муртазо» сўзларининг маъноси бир-бирига жуда ҳам яқин бўлиб, «танлаб олинган», «саралаб олинган», «рози бўлинган» деган маъноларни билдиради.

Бу сўзлар қуйидаги оятларда ҳам худди ана шу маъноларда ишлатилгандир:

«Албатта, Аллоҳ Одамни, Нуҳни, Оли Иброҳимни ва Оли Имронни оламлар устидан танлаб олди» (Оли Имрон сураси, 33-оят);

«Бас, Робби уни танлаб олди ва солиҳлардан қилди» (Қалам сураси, 50-оят);

«Магар, Ўзи рози бўлган Расули бўлса, бас, албатта, У Зот унинг олдидан ва ортидан кузатувчи йўллайди» (Жин сураси, 27-оят).

Бу сўзларнинг учаласи ҳам анбиёлар шаънида истеъмол қилингандир. Аллоҳ таоло бошқа анбиёлар ҳақида алоҳида-алоҳида келган нарсани Муҳаммад соллаллоҳу алайҳи васаллам ҳақларида жамлаб зикр қилди.

Билингки, махлуқнинг камолоти унинг Аллоҳга бўлган бандалигини юзага чиқаришидадир. Банда бандаликни юзага чиқаришни қанчалик зиёда қилса, унинг камолоти шунчалик зиёда бўлади, даражаси шунчалик олий бўлади. Чунки фаришталар шаънида қуйидаги оят келган:

«Йўқ! Улар икром этилган бандалардирлар» (Анбиё сураси, 26-оят).

Аллоҳ таоло Ўз Расули соллаллоҳу алайҳи васалламни энг шарафли мақомларда «банда» деб номлаган. Исронинг зикрида:

«Ўз бандасини исро қилдирган Зот пок бўлди», деган (Исро сураси, 1-оят).

Шунингдек, бошқа оятларда:

«Албатта, Аллоҳнинг бандаси тик туриб, Унга дуо қилганди» (Жин сураси, 19-оят);

«Бас, Ўз бандасига ваҳий қилган нарсани ваҳий қилди» (Нажм сураси, 10-оят);

«Агар бандамизга нозил қилган нарсамизда шубҳада бўлсангиз», деган (Бақара сураси, 23-оят).

Набий соллаллоҳу алайҳи васалламнинг ўзлари умматларига ташаҳҳудда:

«Ашҳаду аллаа илааҳа иллаллоҳу ва ашҳаду анна Муҳаммадан абдуҳу ва Расулуҳу», демоқни ўргатганлар, амр қилганлар.

У зот алайҳиссаломнинг набийликларига далил:

1. «Муҳаммад бир Расул, холос. Ундан олдин ҳам расуллар ўтган» (Оли Имрон сураси, 144-оят).

2. «Муҳаммад Аллоҳнинг Расулидир. У билан бирга бўлганлар кофирларга шиддатли...» (Фатҳ сураси, 29-оят).

3. «Ва Муҳаммадга нозил қилинган нарсага (Қуръонга) иймон келтирдилар. Ҳолбуки у Роббларидан бўлган ҳақдир» (Муҳаммад сураси, 2-оят).

4. «Ва Қуръони Ҳакийм ила қасамки, албатта, сен Набий этиб юборилганлардансан. Тўғри йўлдасан» (Ёсин сураси, 2-4-оятлар).

 «Ақоид илми ва унга боғлиқ масалалар» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
.Қиёмат, сўзининг маъноси тик туришдир. Ўша кунда ҳамма гўридан тик туриб, тирилиши учун қиёмат шу ном билан номланган. Қиёматнинг бундан бошқа .ҳисоб куни,, .охират давоми...

1941 19:00 / 10.05.2023
...Агар баъзи суфийлар даъво қилганларидек, шайхларга байъат қилишнинг ҳукми худди Қуръони каримда ва суннати мутоҳҳарада келган байъатнинг айни ўзи бўладиган давоми...

5745 05:00 / 03.12.2016
Қиёмат қоим бўлганда рўй берадиган қаттиқ ҳолат қалбларни ларзага солади, ақлларни бошдан учиради, инсоннинг хаёлини паришон қилади, ҳатто эмизикли аёллар давоми...

2130 19:00 / 10.07.2023
Илоҳ ndash Худо ҳақидаги ақийда барча ақийдаларнинг асоси эканини ҳаммамиз яхши биламиз. Айнан илоҳ ҳақидаги ақийдадан бошқа эътиқодлар келиб чиқиши ҳам маълум. давоми...

3612 05:00 / 06.03.2017
Аудиолар

129930 11:58 / 10.10.2018
«Ҳилол» журнали
Китоблар

50575 14:35 / 11.08.2021