Рўйхатни беркитиш
Дарслар рўйхати
1446 йил 16 зулқаъда | 2025 йил 13 май, сешанба
Минтақа:
Тошкент
ЎЗ UZ RU EN
Ақийда

Ақийда дарслари (184-дарс). Муҳаммад алайҳиссалом хотамул анбиёдирлар

19:00 / 06.06.2022 3582 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бу ҳақда «Шарҳи «Ақийдатут Таҳовийя»да қуйидагилар келган:

«Ва албатта, у киши соллаллоҳу алайҳи васаллам анбиёларнинг охиргисидирлар».

Шарҳ: Муҳаммад соллаллоҳу алайҳи васалламнинг пайғамбарликларидан кейин анбиёлар келиши охирлади, кесилди, тугади. У киши соллаллоҳу алайҳи васаллам пайғамбарлик қасрининг охирги ғиштидирлар. Аллоҳ таоло у киши соллаллоҳу алайҳи васаллам билан пайғамбарлик қасрини камолга етказиб, эшигини ёпди.

Далил:

«Лекин Аллоҳнинг Расули ва набийларнинг сўнггисидир»[1] ояти ва Пайғамбар соллаллоҳу алайҳи васалламнинг қуйидаги ҳадисларидир:

1. «Менинг ва анбиёларнинг мисоли худди биноси гўзал бир қасрга ўхшайди. Унда бир ғишт ўрни тарк қилингандир. Бас, назар солувчилар уни айланиб кўриб, биносининг гўзаллигидан ажабланадилар. Фақат ҳалиги ғишт ўрнидан бошқа айб топа олмайдилар.

Бас, мен ўша ғиштнинг ўрнини тўлдирдим. Мен билан бино хотимасига етди, пайғамбарлар охирига етдилар».

Бухорий ва Муслим ривоят қилишган.

2. «Албатта, менинг бир неча исмларим бор. Мен Муҳаммадман. Мен Аҳмадман. Мен ал-Моҳий – ўчирувчиман. Аллоҳ мен билан куфрни ўчиради. Мен ал-Хашр – тўпловчиман. Одамлар қадамим остида тўпланадилар. Мен ал-Оқибман».

Ал-Оқиб – ортдан келувчи – ундан кейин Набий келмайдиган зотдир.

Бухорий ва Муслим ривоят қилишган.

3. «Албатта, келажакда менинг умматимда ўттизта каззоб бўлади. Ҳаммаси ўзини набий деб даъво қилади. Ҳолбуки, мен набийларнинг охиргисиман. Мендан кейин набий йўқдир».

«Сунний ақийдалар» китоби асосида тайёрланди

 

 

[1] Аҳзоб сураси, 40-оят.

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Аллоҳ таоло .Албатта, Биз ҳар бир нарсани қадар ила яратдик,, деган Қамар, 49. Муаллиф бу ояти каримани келтириш билан, қадарга иймон келтириш, Қуръонда зикри келган давоми...

7856 23:21 / 02.12.2016
Аввал ғарбликлар Исломни ҳам бошқа динлар каби, илмга қарши қўйдилар. Аммо Исломда ҳаммаси бошқача бўлиб чиқди. Илм ривожланиб борган сари унинг Исломда келган давоми...

2869 19:12 / 19.10.2018
Аллоҳ таолони бу дунёда кўришни эшитилган далиллар тасдиқлайдими Бу саволнинг жавобида Аҳли сунна ва жамоа икки хил фикрни айтганлар. Биринчи жавоб Оиша онамиз давоми...

4438 19:00 / 27.12.2021
Эй иймон келтирганлар Сабр қилинг, сабрда устун келинг, қўриқчиликда шай туринг ва Аллоҳга тақво қилинг, шоядки, зафар топсангиз.Сабр даъватнинг машаққатли давоми...

5008 18:53 / 01.03.2018