Рўйхатни беркитиш
Дарслар рўйхати
1446 йил 15 шаъбон | 2025 йил 14 февраль, жума
Минтақа:
ЎЗ UZ RU EN
Ақийда

Дунёвий ишларда зоҳирга биноан ҳукм чиқарилади | Ақийда дарслари (254-дарс)

19:00 / 21.11.2023 2194 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Уламоларимиз: «Ислом мусулмонлар жамоаси ҳаққидир, иймон Аллоҳ таолонинг ҳаққидир», дейдилар. Иймон қалбга боғлиқ ҳақиқат бўлиб, унинг ҳақиқатидан ёлғиз Аллоҳ таолонинг Ўзидан бошқа бирорта зот хабардор бўла олмайди. Бу нарса Аллоҳ таолонинг Ўзининг хос ҳаққидир. Иймон бўйича баҳони ҳам, мукофот ёки жазони ҳам фақатгина Аллоҳ таолонинг Ўзи беради.

Мўмин-мусулмонлар эса зоҳирий аломатларга қараб муомала қиладилар. Уларнинг одамлар ичидаги ҳақиқатни билишга имконлари йўқ ва бу нарса улардан талаб қилинган ҳам эмас.

Бунга имом Бухорий Усома ибн Зайд розияллоҳу анҳудан ривоят қилган қуйидаги ҳадисни мисол тариқасида келтириш мумкин:

«Расулуллоҳ соллаллоҳу алайҳи васаллам бизларни Жуҳайнанинг ерларидан Ҳурқага юбордилар. Биз уларни тонг чоғида босдик. Мен ансорийлардан бири билан улардан бўлган бир кишига йўлиқдим. Уни ўраб олган эдик, у «Лаа илааҳа иллаллоҳу!» деди. Ансорий тўхтаб қолди, мен эса уни найзам билан қатл қилдим.

Келганимизда бу хабар Расулуллоҳ соллаллоҳу алайҳи васалламга етиб борди. У зот: «Эй Усома! «Лаа илааҳа иллаллоҳу», деганидан кейин ҳам уни қатл қилдингми?!» дедилар. «Эй Аллоҳнинг Расули, буни ўлимдан қутулиш учунгина айтди», дедим. У зот ўз гапларини қайта-қайта такрорлайвердилар, такрорлайвердилар, ҳатто «Ўша кунгача мусулмон бўлмаган бўлсайдим», деб орзу қилдим».

«Сунний ақийдалар» китоби асосида тайёрланди

Ушбу китоб Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 2022 йил 22 июлдаги 03-07/5979-рақамли хулосаси асосида чоп этилган.

 

 

 

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Абдуллоҳ розияллоҳу анҳудан ривоят қилинади.Набий соллаллоҳу алайҳи ва саллам билан қирққа яқин киши бир қуббанинг ичида эдик. Шунда у зот.Аҳли жаннатнинг чораги давоми...

4288 21:45 / 01.12.2016
Имом Абу Ҳанийфа раҳматуллоҳи алайҳи иймоннинг таърифида .Иймон ndash иқрор ва тасдиқдир,, дейдилар. Яъни иймон қалб билан тасдиқлаш ва тил билан иқрор бўлиб, нутқ давоми...

4811 15:30 / 30.07.2019
Ана энди навбатдаги мавзу ndash қазо ва қадарга тегишли жараён бошланади. .Ва тўрт калима ризқи, ажали, амали ва бадбахт ёки некбахтлигини ёзиш амр қилинади,. Кимга давоми...

4778 14:00 / 31.05.2021
Эй одамлар Сизларни бир жондан яратган ва ундан унинг жуфтини яратиб, икковларидан кўплаб эркагу аёллар таратган Роббингиздан қўрқинглар У билан ўзаро сўровда давоми...

5901 15:14 / 07.11.2017