Рўйхатни беркитиш
Дарслар рўйхати
1446 йил 10 шаъбон | 2025 йил 09 февраль, якшанба
Минтақа:
ЎЗ UZ RU EN
Ақийда

Ақийда дарслари (69-дарс). Рўзани тарк қилган одам охиратда жазо олишига ҳамма иттифоқ қилган

13:56 / 20.01.2020 4688 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Рўза араб тилида «сиём» деб аталиб, луғавий маъноси бир нарсадан ўзини тийишни билдиради.

Шариат истилоҳида эса: «Тонг отгандан то қуёш ботгунча ният билан рўзани очувчи нарсалардан ўзини тиймоқликдир».

«Рўзани очувчи нарсалар» деганда емоқ, ичмоқ, жинсий яқинлик қилмоқ ва шу каби бошқа ишлар, умуман, рўзадор шахс ўзини тийиши лозим бўлган амаллар кўзда тутилгандир.

Рамазон ойи рўзасини тутиш ҳижрий иккинчи санада фарз қилинган.

Рамазон ойи рўзасини тутиш ҳар бир иймонли зот учун фарзи айндир.

Бу фарзни инкор этган одам, «Рамазон кунларининг бирор лаҳзасини узрсиз рўза тутмай ўтказса бўлади», деган одам кофир бўлади.

Рўзанинг фарзлигини тан олиб туриб, уни тарк қилган одам ҳақида ихтилоф қилинган.

Баъзи тоифалар: «Бир кунлик рўзани бўлса ҳам дангасалик қилиб тарк қилган одам кофир бўлади», деганлар.

Жумҳур уламолар эса: «Бундай одам кофир бўлиб, мусулмонлик доирасидан бутунлай чиқиб кетмайди-ю, осий ва фосиқ бўлиб, икки дунёнинг уқубатига сазовор бўлади», деганлар.

Рўзани тарк қилган одам охиратда ҳар бир тарк қилган рўзаси учун жазо олишига ҳамма иттифоқ қилган.

Шунингдек, бу дунёда Рамазон рўзасининг ҳар бир тутилмай қолган куни учун каффорот адо қилиши шартлигига ҳам барча уламолар иттифоқ қилишган.

«Ақоид илми ва унга боғлиқ масалалар» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Ақоид илмида .ғайбиёт, номини олган масалалар инсон зоти учун бутунлай ғоиб бўлган, уни ҳеч ким кўрмаган ва бошқа нарсага солиштириб ҳам билиб бўлмайдиган, уни давоми...

12445 00:02 / 02.12.2016
Араб тилидаги .калом, лафзи .сўз,, .гап,, .жумла, каби маъноларни англатади..Илми калом, ақоид илмининг энг машҳур номидир. Бу ном, аввал ҳам айтилганидек, ҳижрий давоми...

9378 10:20 / 08.10.2018
Мотуридия мазҳабида .Ҳукмлар шариат ила собит бўлади. Фақатгина Аллоҳнинг маърифати, вожиблиги очиқойдин бўлгани учун ақл билан собит бўлади,, дейилган.Мотуридия давоми...

6938 11:00 / 17.12.2018
Абу Ҳурайра розияллоҳу анҳудан ривоят қилинади Набий соллаллоҳу алайҳи ва саллам .Сўнгра жаҳаннам устига кўприк қурилур. Расуллардан ўз уммати ила унинг устидан давоми...

4232 18:54 / 02.12.2016