Рўйхатни беркитиш
Дарслар рўйхати
1442 йил 16 ражаб | 2021 йил 28 февраль, якшанба
Минтақа:
ЎЗ UZ RU EN
Ақийда

Ақийда дарслари (98-дарс). Хотима

14:01 / 10.08.2020 803 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ақоид илми ва унга боғлиқ масалалар доираси ниҳоятда кенг. Чунки мусулмон киши билиши ва амал қилиши лозим бўлган ақийдавий, эътиқодий масалаларнинг асоси Ақоид илмида ўрганилади. Шунинг учун ҳам диний илмлар орасида Ақоид илми энг мураккаб, энг оғир илм саналади. Бу борада баҳс юритувчи уламолардан диннинг асосини, жавҳарини – Қуръони Каримни ва суннати мутоҳҳарани тўлиқ ўзлаштирган, ўта тақводор ва ниҳоятда холис бўлишлари талаб этилади. Чунки озгина бепарволик ёки фикрга ортиқча шўнғиб кетиш, дин билан фалсафани қориштириб юбориш оқибатида куфрга кетиб қолиш ҳеч гап эмас. Дарсимизнинг «Ақийдавий фирқаланиш», «Фалсафа ва файласуфлар» ва шулар каби берилган маълумотлар ўқувчиларимизни ақийда масалаларига нисбатан ниҳоятда ҳушёр, сергак бўлишга ундашини умид қиламиз.

Шу билан бирга, бу илмни маълум даражада ўрганиш ҳар бир мўмин-мусулмонга лозиму лобуд эканини ҳам таъкидлаб ўтмоқчимиз. Чунки бу илм бизга Аллоҳ таолонинг зоти ва сифатлари ҳақида маълумот беради. «Тавҳид» тушунчаси ва Аллоҳ таолонинг ваҳдонияти айнан мана шу илмда ўрганилади.

«Иймон келтириш вожиб нарсалар баёни», «Ислом арконлари», «Исломда эътиқод қилинадиган нарсалар» ҳар бир мўмин-мусулмон учун дастуруламал бўлган ақийдавий масалаларга бағишланган. Буларни яхши билмасдан, ўрганмасдан туриб, комил мусулмон бўлиш қийин.

Бу илмни ўрганиш мўмин-мусулмонлар учун икки жиҳатдан фойдалидир. Булардан биринчиси ва энг зарурийси – эътиқодда адашмаслик, иймоннинг тўғри бўлишига эришиш бўлса, иккинчиси ва аҳамияти жиҳатидан биринчисидан қолишмайдигани – адашган тоифаларга илмий раддия бера олишдир.

Аллоҳ таолонинг Ўзидан тавфиқ ва ёрдам сўраган ҳолда бу ишга қўл урган эдик. Алҳамдулиллаҳ, Ўзининг инояти ила бу дарсимиз биз кутганимиздан ҳам зиёдароқ натижалар ила ниҳоясига етди.

Ушбу дарсимиздан бир манфаат топсангиз, буни Аллоҳ таолонинг марҳаматидан деб билишингизни, нуқсон ва камчиликлари бўлса, маъзур тутишингизни ўтиниб сўрайман.

Зеро, мукаммаллик фақат Аллоҳ таолога хосдир!

Аллоҳим, ё Роббал оламин, барча бандаларингга рушди ҳидоятни насиб этгин! Ушбу дарсимиз ҳам иймон-эътиқод борасида мўмин-мусулмонларга яхши бир ёрдамчи бўлишини муваффақ айлагин! Барча мўмин-мусулмонларни ақийда борасидаги хатолардан Ўз паноҳингда асрагин! Омин!

Islom.uz портали таҳририяти

 

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Аллоҳнинг гўзал исмлари. АлҚаҳҳорАлҚаҳҳор ndash барча махлуқотларни қабзасида тутиб, уларни ўз ҳукмига юритувчи, қудрати ила бўйсундириб турувчи Зотдир.Аллоҳ таоло давоми...

3874 08:27 / 20.04.2017
Олдини олиб, тезроқ тавба қилинмаса, кичик гуноҳлар катталашиб кетиши турган гап. Гуноҳи сағийраларнинг катталашувига бир қанча сабаблар бор.1. Улардан бири давоми...

3585 22:04 / 22.04.2017
Савол Баъзан Шайтон Аллоҳ ҳамма нарсани яратди, Уни ким яратдиrdquo ndash деб васваса солади. Бунинг жавоби нимаЖавоб 1. Аллоҳ мавжудлигининг аввали йўқ, азалдан давоми...

2461 20:08 / 05.11.2018
Убода ибн Сомит розияллоҳу анҳудан ривоят қилинади .У киши ўғлига.Эй ўғлим Сен то ўзингга етган нарса сени четлаб ўтиши мумкин эмаслигини, ўзингни четлаб ўтган давоми...

3019 23:28 / 02.12.2016
Видеолар

78 14:00 / 20 февраль

136 17:19 / 18 февраль
Аудиолар

54028 11:58 / 10.10.2018
«Ҳилол» журнали
Топ рейтинг www.uz Openstat