Аллоҳнинг каломи ҳамда унинг китоби тавҳид ила бошланиши | Ақийда дарслари (270-дарс)
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ақийданинг тавҳид билан бошланишининг сабаби тўғрисида аллома Али Қори айтади: «Ақийдани тавҳид ила бошладик. Чунки Аллоҳ таоло Ўз каломини – Китобини «Алҳамду лиллаҳи Роббил оламийн» деб бошлагани рубубият тавҳиди замирида ётган улуҳият тавҳидига ишора қилиб бошлаганидандир. Бу эса махлуқотда убудият – бандаликни юзага чиқаришни тақозо қилади».
Хулоса қилиб айтганда, убудият тавҳидидан рубубият тавҳиди келиб чиқади. Яъни кимки бандаликни ягона Зотга қилиш зарурлигини эътироф қилса, Роббнинг ягоналигини ҳам эътироф қилган бўлади. Аксинчаси эса тўғри бўлмайди. Бас, мушриклар рубубият тавҳидини эътироф қилар эдилар, буни қуйидаги оятлардан тушуниб олинади:
ﯕ ﯖ ﯗ ﯘ ﯙ ﯚ ﯛ ﯜﯝ
«Агар улардан: «Осмонлару ерни ким яратган?» деб сўрасанг, албатта, «Аллоҳ», дерлар» (Луқмон сураси, 25-оят). Ва:
ﮐ ﮑ ﮒ ﮓ ﮔ ﮕ ﮖ
«Уларга фақат бизларни Аллоҳга жуда ҳам яқин қилишлари учунгина ибодат қилурмиз», дерлар (Зумар сураси, 3-оят).
Лекин улар убудият – бандалик тавҳидини инкор қилганлар.
Ақийдатут Таҳовия шарҳининг талхийси» китобидан
Ушбу китоб Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 2022 йил 5 октябрдаги 03-07/7619-рақамли хулосаси асосида чоп этилган.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
