Ақоид уламоларининг Аллоҳнинг борлиги ҳақидаги баҳсларга аҳамият бермаганларининг сабаби | Ақийда дарслари (267-дарс)
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Аллоҳнинг мавжудлиги ҳақидаги баҳсни тарк қилиб, гапни Унинг тавҳидидан бошлашимизнинг сабаби, озгина даҳрийлар тўдасидан бошқа махлуқотларнинг бирортаси Аллоҳнинг мавжудлигини инкор қилмаслигидир. Шунинг учун ҳам Аллома Али Қори ўзининг «Фиқҳул Акбар»га қилган шарҳида: «Имом (Абу Ҳанифа раҳматуллоҳи алайҳи) Аллоҳнинг мавжудлиги шуҳуд мақомида [1] равшан экани билан кифояланиб, бу ҳақда баҳс қилиб ўтирмаган», деган.
Қуръони Каримда қуйидагилар айтилган:
ﮱ ﯓ ﯔ ﯕ ﯖ ﯗ ﯘ ﯙ ﯚ
«Расуллари уларга: «Осмонлару ернинг йўқдан бор қилувчиси бўлмиш Аллоҳ ҳақида шак борми?..» дедилар» (Иброҳим сураси, 10-оят).
ﮤ ﮥ ﮦ ﮧ ﮨ ﮩ ﮪ ﮫ
«Агар улардан: «Осмонлару ерни ким яратди?» деб сўрасанг, албатта, «Аллоҳ!» дерлар» (Зумар сураси, 38-оят).
Ҳақ субҳанаҳу ва таолонинг мавжудлиги махлуқотнинг табиатида собитдир. Бунга Аллоҳнинг қуйидаги сўзи ишора қилади:
ﯙ ﯚ ﯛ ﯜ ﯝ ﯞﯟ
«(Бу) Аллоҳ одамларни яратган асл табиатдир» (Рум сураси, 30-оят).
Худди шу маънога ҳадис ҳам ишора қилади:
كُلُّ مَوْلُودٍ يُولَدُ عَلَى الْفِطْرَةِ»... رَوَاهُ الْبُخَارِيُّ».
«Ҳар бир туғилган бола соф табиат ила туғилади».
Бухорий ривоят қилган.
Ақийдатут Таҳовия шарҳининг талхийси» китобидан
[1] Шуҳуд – Ҳақни ҳақ ила, қалб кўзи билан кўриш.
Ушбу китоб Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 2022 йил 5 октябрдаги 03-07/7619-рақамли хулосаси асосида чоп этилган.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
