Рўйхатни беркитиш
Дарслар рўйхати
1445 йил 27 жумадул аввал | 2023 йил 10 декабрь, якшанба
Минтақа:
ЎЗ UZ RU EN
Ақийда

Ақийда дарслари (80-дарс). Аҳли қиблага иймон ва уларни кофир қилмаслик ҳукми

15:45 / 06.04.2020 3726 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ва модомики, Расулуллоҳ соллаллоҳу алайҳи васаллам келтирган нарсани эътироф қилар эканлар, у зот соллаллоҳу алайҳи васалламнинг барча айтганларини ва хабарларини тасдиқлар эканлар, аҳли қибламизни «мўминлар», «мусулмонлар» деб номлаймиз.

«Аҳли қибламиз»дан мурод, Исломни даъво қиладиган ва Каъбага юзланадиганлардир. Гарчи маъсият эгаларидан бўлса ҳам. Лекин шарт шуки, Расулуллоҳ соллаллоҳу алайҳи васаллам келтирган нарсалардан диннинг заруриятларидан ҳисобланувчи бирортасини ёлғонга чиқармаган бўлиши керак. Яъни Расулуллоҳ соллаллоҳу алайҳи васаллам келтирган диннинг асосий ва зарурий нарсаларининг ҳаммасини тасдиқлаб, эътироф қилган ва бу вожиботлардан ҳеч бир нарсани инкор қилмаган аҳли қиблага «мусулмон» дейилади.

Бу эса қиблага юзланган ҳар бир кимса ҳам мўмин эмас, деганидир. Албатта, қиблага юзланса ҳам, набийликни, набийликнинг тамом бўлганини ёки Қуръонни ёлғон деса, ёки Қуръон бузилган, деса, ёки шариатнинг зоҳирини амалдан қолдириш ҳақида гапирса, мусулмон бўла олмайди.

Ҳа, мусулмон гуноҳ иш қилиш билан, модомики ўша ишни ҳалол санамаса, Исломдан чиқмайди.

Расулуллоҳ соллаллоҳу алайҳи васаллам:

«Ким бизнинг намозимизни ўқиса, қибламизга юзланса ва сўйган нарсамизни еса, у мусулмондир. Бизга бўлган имтиёз унга ҳам бўлади. Бизга юклатилган масъулият унга ҳам юклатилади», деганлар (Бухорий ривоят қилган).

Ва Аллоҳ ҳақида баҳсга шўнғимаймиз ва Аллоҳнинг динида ботилга мойил бўлмаймиз.

Шарҳ: Яъни Аллоҳнинг зоти ҳақида баҳс юритиб, У тўғрисида гапирмаймиз. Чунки бу нарсалар ақлдан юқоридир.

«Ҳақ аҳлига ботил аҳлининг шубҳаларини ташлаб, уларни ҳақдан оздириш учун хусумат қилмаймиз». Муаллиф бу билан баъзи томонларнинг ботил каломларига ишора қилмоқда. Чунки улар илоҳ ҳақида илмсиз равишда, ҳужжат-далилсиз гап юритадилар.

Далиллар:

«Улар гумон ва ҳавойи нафсдан бошқа нарсага эргашмаслар. Ҳолбуки, уларга Роббларидан ҳидоят келмишдир» (Нажм сураси, 23-оят);

«Одамлардан Аллоҳ ҳақида илмсиз, ҳидоятсиз ва ёритувчи китобсиз талашиб-тортишадиган кимсалар бор» (Ҳаж сураси, 8-оят).

Абу Ҳанифа  раҳматуллоҳи алайҳи: «Ҳеч кимга Аллоҳнинг зоти ҳақида бирор нарса нутқ қилиш жоиз эмас. Балки У Зот Ўзини Ўзи васф қилган нарса ила васф қилинур», деган.

«Ақоид илми ва унга боғлиқ масалалар» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Бу сифат Аллоҳ таолонинг зотида азалдан қоим бир сифат бўлиб, у билан У Зот амр қилувчи, наҳий қилувчи ва хабар берувчидир. У Зот у ила Ўз расулларига Қуръон, Таврот давоми...

3772 13:00 / 04.03.2019
Ажал ҳам, ризқ ҳам бошқа барча нарсалар каби фақатгина Аллоҳ таолодан эканлигига аниқ ва тўлиқ ишониш муҳим нарсадир.Бу нарса айниқса, зоҳидлик йўлига юрганларда давоми...

4962 21:41 / 01.12.2016
Бу масалани мўътадил равишда ечган мазҳаб Аҳли сунна ва жамоа мазҳабидир. Аммо Аҳли сунна ва жамоанинг икки бош йўналиши ndash ашъарийлар ва мотуридийлар орасида давоми...

2610 17:00 / 09.08.2021
Ва Роббларига тақво қилганлар жаннатга гуруҳгуруҳ қилиб олиб борилдилар. Унга етиб келган чоғларида, унинг эшиклари очилди ва унинг қўриқчилари уларга .Сизга давоми...

5005 22:29 / 24.02.2018
Аудиолар

111485 11:58 / 10.10.2018
«Ҳилол» журнали
Китоблар

35235 14:35 / 11.08.2021