Рўйхатни беркитиш
Дарслар рўйхати
1445 йил 18 зулқаъда | 2024 йил 26 май, якшанба
Минтақа:
ЎЗ UZ RU EN
Сийрат

Сийрат дарслари (231-дарс) Жаннат — оналар оёғи остида

19:00 / 20.05.2023 1804 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

900. Муовия ибн Жоҳима розияллоҳу анҳудан ривоят қилинади:

«Жоҳима Набий соллаллоҳу алайҳи васалламнинг ҳузурларига келиб: «Эй Аллоҳнинг Расули, ғазотни ирода қилдим ва сизга маслаҳат қилгани келдим», деди. «Онанг борми?» дедилар. «Ҳа», деди. «Уни лозим тут, жаннат унинг оёқлари остидадир», дедилар».

Насоий ва Ҳоким ривоят қилишган.

901. Асма бинт Абу Бакр розияллоҳу анҳумодан ривоят қилинади:

«Расулуллоҳ соллаллоҳу алайҳи васалламнинг даврларида ҳузуримга онам мушрика ҳолида келди. Расулуллоҳ соллаллоҳу алайҳи васалламдан фатво сўраб: «Ҳузуримга онам рағбат қилиб келибди. Онамга силаи раҳм қилаверайми?» дедим. У зот: «Ҳа, онангга силаи раҳм қил», дедилар».

Бухорий ривоят қилган.

902. Ибн Умар розияллоҳу анҳумодан ривоят қилинади:

«Бир киши Набий соллаллоҳу алайҳи васалламнинг ҳузурларига келиб: «Эй Аллоҳнинг Расули, мен катта гуноҳ қилдим. Энди мен учун тавба борми?» деди. «Онанг борми?» дедилар. «Йўқ», деди. «Холанг борми?» дедилар. «Ҳа», деди. «Унга яхшилик қил», дедилар».

Термизий, Ибн Ҳиббон ва Ҳоким ривоят қилишган.

903. Абу Усайд Молик ибн Робийъа Соъидий розияллоҳу анҳудан ривоят қилинади:

«Расулуллоҳ соллаллоҳу алайҳи васалламнинг ҳузурларида ўтирган эдик. Бану Саламадан бир киши келиб: «Эй Аллоҳнинг Расули! Ота-онамнинг вафотларидан кейин уларга қилишим керак бўлган яхшиликлардан бирортаси қолдими?» деди. «Ҳа. Уларнинг ҳаққига дуо қилиш, уларга истиғфор айтиш, улардан кейин аҳдларига вафо қилиш, улар воситаси билан қилинадиган силаи раҳмни боғлаш ва уларнинг дўстларини икром қилиш», дедилар».

Абу Довуд, Ибн Можа ва Ибн Ҳиббон ривоят қилишган.

«Расулуллоҳ соллаллоҳу алайҳи васаллам» китобидан

Ушбу китоб Ўзбекистон Республикаси Дин ишлари бўйича қўмитанинг 2022 йил 30 ноябрдаги 03-07/9078-рақамли хулосаси асосида чоп этилган.

 

 

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
848. Анас ибн Молик розияллоҳу анҳудан ривоят қилинади .Абу Бакр Сиддиқ розияллоҳу анҳу унга шундай айтиб берган .Биз ғорда турганимизда бошимиз тепасидаги давоми...

1701 19:00 / 17.02.2023
336. Абдуллоҳ ибн Аббос розияллоҳу анҳумодан ривоят қилинади.Набий соллаллоҳу алайҳи васаллам етти аъзо билан сажда қилишга амр қилиндилар ndash кийим ва сочни давоми...

4288 13:40 / 06.03.2020
Умму Салама розияллоҳу анҳу онамиздан ривоят қилинади.Бир куни Аллоҳнинг элчиси соллаллоҳу алайҳи васаллам уйимда эдилар. quotЁнимга ҳеч ким кирмасинquot деб фармон давоми...

5414 17:04 / 19.11.2018
Муҳаммад мустафо соллаллоҳу алайҳи васалламга пайғамбарлик келганига ўн йил тўлган эди. Ислом учун ўта нозик бир пайт. Ҳар қандай кишининг бир оз мойиллиги ҳам давоми...

3638 16:51 / 26.12.2017