1445 йил 22 зулқаъда | 2024 йил 30 май, пайшанба
Минтақа:
ЎЗ UZ RU EN
Рўза

Рўза фақат овқатдан тийилиш эмас

16:01 / 25 март 1896 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ҳақиқий рўза – аъзоларни гуноҳлардан тийиш: тилни ортиқча сўзлардан тийиш, кўзни ҳаром нарсаларга қарашдан тийиш, қўлни бировни уришдан тийиш, оёқни ёмон жойларга қадам босишдан тийишдир.

Европадаги бир мусулмон Рамазон ҳақида тушунча бериб, унга тарғиб қилишнинг ажойиб услубини ўйлаб топди. У кўйлагига: «Мен то саҳардан қуёш ботгунича овқатланмайман, «Нима учун бундай қиласан?» деб сўраб кўринглар-чи?» деб ёзиб олган эди.

Абу Ҳурайра розияллоҳу анҳу ва у кишининг асҳоблари агар рўза тутишса, «Рўзамизни поклаймиз!» деб масжидда ўтиришар эди. Булар қаерда-ю, ойнаи жаҳон қаршисида ёки ғийбат ва номақбул гап-сўзларга тўла мажлисларда ўтириб, вақтини зое кетказганлар қаерда?!

Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам шундай дедилар: «Аллоҳ таоло: «Одам боласининг ҳамма амали ўзи учун, фақат рўза Мен учундир ва унинг мукофотини Мен – Ўзим берурман», деди. Рўза сақловчидир. Қачон бирортангиз рўзадор бўлса, фаҳшдан гапирмасин ва бақир-чақир қилмасин. Агар бирортаси у билан сўкишмоқчи ёки уришмоқчи бўлса, «Мен рўзадорман», десин. Муҳаммаднинг жони қўлида бўлган Зот ила қасамки, рўзадорнинг оғзининг ҳиди Аллоҳнинг наздида мушкнинг ҳидидан хушбўйроқдир. Рўзадор учун икки хурсандлик бор. У иккисини ҳам яшагай: ифтор қилганида хурсанд бўлади ва Роббига йўлиққанида рўзаси ила хурсанд бўлади».
Имом Бухорий ривоят қилган.


Эътибор беринг! Аллоҳ ҳадиси қудсийда: «Одам боласининг ҳамма амали ўзи учун, фақат рўза Мен учундир ва унинг мукофотини Мен – Ўзим берурман», демоқда. Баъзи шориҳларнинг айтишларича, «Рўзадорга қанча савоб беришни Ўзим биламан», дейиши инсон унинг савоби қанча эканини тасаввур қила ололмагани учун экан, чунки у бу дунёга сиғмас экан. «Рўзадорнинг оғзининг ҳиди Аллоҳнинг наздида мушкнинг ҳидидан хушбўйроқдир», деган жумлага ҳам эътибор беринг. Аллоҳ рўзадорни Ўз ҳимоясига олиб, рўзадорни ҳиди учун малол кўрадиганлардан муҳофаза қилмоқда. Валлоҳу аълам!

 

Манба
islom.uz
Мавзуга оид мақолалар
Баъзи кишиларимизда quotРўзадор кишини тўйдирган одам рўза тутганнинг савобини оладиquot, деган гапни нотўғри талқин этиб, ифторлик маросими қилиб, кўп одамларни давоми...

2882 05:00 / 11.01.2017
...Инсоннинг йўлдан урадиган нарсалар ичида қорин ва жинсий шаҳватлар энг кучлиларидан ҳисобланиши ҳеч кимга сир эмас. Рўзанинг фойдаларидан бири худди ўша икки давоми...

3052 05:00 / 11.01.2017
Аллоҳ таоло Қуръони Карим Бақара сурасида шундай марҳамат қилади.Иймон келтириб яхши амаллар қилган зотларга хушхабар берингки, улар учун остларидан дарёлар давоми...

2041 11:00 / 09.05.2021
. . Абу Ҳурайра розияллоҳу анҳудан ривоят қилинади.Набий соллаллоҳу алайҳи васаллам .Баъзи рўзадорлар борки, уларга рўзаси учун очликдан ўзга давоми...

1719 08:00 / 21.04.2021