Пайғамбар алайҳиссаломнинг бандаликлари энг шарафли камолот эканлигига далил | Ақийда дарслари (295-дарс)
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Билингки, махлуқнинг камолоти – унинг Аллоҳга бўлган бандалигини юзага чиқаришидадир. Банда бандаликни юзага чиқаришни қанчалик зиёда қилса, унинг камолоти шунчалик зиёда бўлади, даражаси шунчалик юксалади. Чунки фаришталар шаънида қуйидаги оят келган:
ﭨ ﭩ ﭪ ﭫ
«Йўқ! Икром этилган бандалардирлар» (Анбиё сураси, 26-оят).
Аллоҳ таоло Ўз Набийси соллаллоҳу алайҳи васалламни энг шарафли мақомларда «банда» деб номлаган. Исронинг зикрида бундай дейди:
ﭑ ﭒ ﭓ ﭔ
«Ўз бандасини кечаси... сайр қилдирган Зот покдир» (Исро сураси, 1-оят).
Шунингдек, бошқа оятларда:
ﮀ ﮁ ﮂ ﮃ ﮄ ﮅ
«Ва албатта, Аллоҳнинг бандаси Унга ибодат қилиб турганда...» (Жин сураси, 19-оят).
ﭼ ﭽ ﭾ ﭿ ﮀ ﮁ
«Ва бандасига нимани ваҳий қилган бўлса, ваҳий қилди» (Нажм сураси, 10-оят).
ﯢ ﯣ ﯤ ﯥ ﯦ ﯧ ﯨ ﯩ
«Ва агар бандамизга нозил қилган нарсамиздан шубҳада бўлсангиз...» (Бақара сураси, 23-оят).
Набий соллаллоҳу алайҳи васаллам умматларига ташаҳҳудда:
«Ашҳаду аллаа илааҳа иллаллоҳу ва ашҳаду анна Муҳаммадан абдуҳу ва Расулуҳу» дейишни ўргатганлар, бунга амр қилганлар.
У зот соллаллоҳу алайҳи васалламнинг пайғамбарликларига далил:
ﭳ ﭴ ﭵ ﭶ ﭷ ﭸ ﭹ ﭺ ﭻﭼ
«Муҳаммад ҳам бир Расул, холос. Ундан олдин ҳам расуллар ўтган» (Оли Имрон сураси, 144-оят).
ﭑ ﭒ ﭓﭔ ﭕ ﭖ ﭗ ﭘ ﭙ
«Муҳаммад Аллоҳнинг Расулидир, у билан бирга бўлганлар кофирларга шиддатли...» (Фатҳ сураси, 29-оят).
ﭞ ﭟ ﭠ ﭡ ﭢ ﭣ ﭤ ﭥ ﭦﭧ
«...ва Муҳаммадга нозил қилинган нарсага иймон келтирганлар – ҳолбуки, у Роббларидан келган ҳақдир...» (Муҳаммад сураси, 2-оят).
ﭮ ﭯ ﭰ ﭱ ﭲ ﭳ ﭴ ﭵ ﭶ ﭷ ﭸ
«Ўта ҳикматли Қуръон ила қасам. Албатта, сен расуллардандирсан. Тўғри йўлдасан» (Ёсин сураси, 2-4-оятлар).
Ақийдатут Таҳовия шарҳининг талхийси» китобидан
Ушбу китоб Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 2022 йил 5 октябрдаги 03-07/7619-рақамли хулосаси асосида чоп этилган.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
