Аллоҳга иймон ва унинг тавҳиди | Ақийда дарслари (266-дарс)
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
نَقُولُ فِي تَوْحِيدِ اللهِ مُعْتَقِدِينَ بِتَوْفِيقِ اللهِ:
إِنَّ اللهَ وَاحِدٌ لَا شَرِيكَ لَهُ.
Аллоҳнинг тавфиқи билан Аллоҳнинг тавҳиди ҳақида эътиқод қилиб айтамизки:
1. «Албатта, Аллоҳ бирдир, Унинг шериги йўқдир».
Биринчи бошлайдиган нарсамиз Аллоҳ таолога Унинг исмлари, сифатлари билан иймон келтиришдир. Ҳамда Унинг ҳамма аҳкомларини қабул қилиб, уларга бўйсунишимизни изҳор қилишдир.
Аллоҳга иймон масаласи икки босқичга бўлинади.
Биринчиси: Аллоҳ таолонинг азалий ва абадий мавжудлигига иймон келтириш.
Иккинчиси: Аллоҳ таолонинг Ўз зотида ҳам, сифатларида ҳам, исмларида ҳам, ишларида ҳам, ҳукмларида ҳам ёлғизлиги, шериги йўқлигига иймон келтириш. Худди Аллоҳнинг Ўз сўзида:
ﯝ ﯞ ﯟﯠ ﯡ ﯢ ﯣ ﯤ ﯥ ﯦ
«Унинг шериги йўқ. Мана шунга буюрилганман. Ва мен мусулмонларнинг биринчисиман», дейилганидек (Анъом сураси, 163-оят).
Рубубият ва улуҳият тавҳиди исмлар ва сифатлар тавҳидига киритилгандир. Бу иккисининг ақоид китобларида сифатлар тавҳидидан кейин зикр қилиниши бирор нарса ҳақида умумий равишда сўз юритилганидан сўнг муҳимлиги сабабли алоҳида айтиб ўтиш маъносидадир. Бошқа сифатлар тавҳиди заруриймаслигидан эмас, шунга эътибор берилсин.
Ақийдатут Таҳовия шарҳининг талхийси» китобидан
Ушбу китоб Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 2022 йил 5 октябрдаги 03-07/7619-рақамли хулосаси асосида чоп этилган.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
