Турмуш қурганимга 7 йилдан ошди, фарзанд кўрмадик.
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
САВОЛ: Ассалому алайкум. Турмуш қурганимга 7 йилдан ошди, фарзанд кўрмадик. Шу йил турмуш ўртоғим билан фарзанд сақлаб оляпмиз. Мусулмон мамлакатларидан фарзанд келтириш жуда мушкул экан. Гватемала мамлакатидан битта фарзанд олмоқчимиз. Шунга сизнинг муносабатингизни билмоқчи эдим.
Яна бир савол: бола сақлаб олиш ҳақида исломий китоблар борми? Қаердан топсам бўлади? Олдиндан ташаккур.
ЖАВОБ: Бисмиллаҳир роҳманир роҳийм.
Бола сақлаб олишнинг асосий шарти, бола меники, демасликдир. Болани боқиб олганини очиқ айтиш керак.
Бола балоғатга етганда, унга шариат кўрсатганича муносабатга ўтилади. Яъни, бола номаҳрам бўлади. У меросхўр бўла олмайди.
Етим болаларни боқиб катта қилиш ўта савобли иш. Минг афсуслар бўлсинки, сиз ҳам бошқа савол берувчилар каби кимлигингизни айтмагансиз. Бу биз учун сизга тўлиқ жавоб беришни қийинлаштиради. Валлоҳу аълам.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
