Кимдан ажабланишни ҳам билмайсиз
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бир аёл Набий соллаллоҳу алайҳи васалламнинг ҳузурларига бир чопон кўтариб келиб деди:
- Эй Аллоҳнинг Расули! Буни қўлларим билан тўқидим. Буни кийишингизни истайман!
Набий соллаллоҳу алайҳи васаллам уни олдилар. Унга эҳтиёжлари бор эди. Сўнгра уни кийиб одамлар олдига чиқдилар. Шунда бир киши деди:
- Эй Аллоҳнинг Расули! Уни менга беринг!
Набий соллаллоҳу алайҳи васаллам: «Хўп!», деб бироз ўтирдилар. Сўнгра кийимни ўраб унга бериб юбордилар. Кишилар у кишини маломат қилишди: «Расулуллоҳ соллаллоҳу алайҳи васалламнинг «йўқ» дея олмасликларини билиб туриб сўрадинг-а?!».
У киши деди: «Ўлганимда у кийим менинг кафаним бўлиши учун сўрадим!».
Ҳадисни ривоят қилган Саҳл розияллоҳу анҳу айтади: «Дарҳақиқат, ўша кийим унинг кафани бўлди!».
Кимдан ажабланишни ҳам билмайсиз. Набий соллаллоҳу алайҳи васаллам ўзлари кийимга муҳтож бўла туриб у кийимни ҳалиги кишига бериб юбордилар. У саҳобий эса Аллоҳга йўлиққан пайтда унинг кийими Набий соллаллоҳу алайҳи васалламнинг баданлари теккан кийим бўлишини истади!
Аммо ҳаё қиличи билан кишиларнинг нарсасини олиш мумкин эмас. Кимнингдир қаламини оласиз, кимнингдир соатини оласиз, кимнингдир атирини оласиз. Эҳтимол унинг ҳаёси «йўқ» дейишига монелик қилар. Аммо бу бошқаларнинг сурбетлик қилишига баҳона бўла олмайди!
Абдулқодир Полвонов
Ушбу мақола Ўзбекистон Республикаси Дин ишлари бўйича қўмитанинг 2024 йил 3 август 03-07/4702-сонли хулосаси асосида тайёрланди.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
