AҚШда 10 йил ичида масжидлар сони қарийб уч баробарга кўпайган
Қўшма Штатларда мамлакатдаги мусулмонлар жамиятининг ривожланишига ойдинлик киритган янги тадқиқот нашр этилди.
Ижтимоий сиёсат институти, Шимолий Aмерика Ислом жамияти ва Мусулмонлар хайрия маркази томонидан олиб борилган янги тадқиқот «Aмерика масжиди 2020 - ўсиш ва ривожланиш» деб номланди.
Масжидларни кенг миқёсда статистик ўрганиш ўнлаб штатларни қамраб олди. Ҳисоботда нафақат мутахассислар масжидлар сонининг, зиёратининг кўпайиши, шу билан бирга масжидларга расмийлар ва маҳаллий аҳолининг қаршиликлари кучайганлиги таъкидланмоқда.
АҚШда 2010 йилда 2106 та масжидлар бўлган. Бу кўрсаткич 2020 йилга келиб 2769 тага етган, яъни бу 31,5 фоизга ўсган. Бу ҳақда Islamnews хабар беради. Масжиддa жума кунидаги ўртача зиёратлар сони 353 кишини ташкил қилмоқда, яъни 10 йил олдинги кўрсаткичдан 16% кўпроқ. Шунингдек, масжидларда жума намозига қатнашувчилар сони 10 фоиздан ошгани қайд этилган.
Тадқиқотчилар шунингдек, масжидларнинг йирик шаҳар атрофидан қишлоқ жойларига кўчиш тенденциясини пайқашган. Қишлоқ жойларида ер топиш ва масжид қуриш учун расмийлардан рухсат олиш осонроқ кечади.
Мунира Баҳодиржон қизи таржимаси
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
