1446 йил 10 зулқаъда | 2025 йил 07 май, чоршанба
Минтақа:
Тошкент
ЎЗ UZ RU EN
Янгиликлар

Бишкекда исломий болалар боғчаси очилди

19:30 / 04.02.2021 1985 pdf Ўқиш режими + -

Яқинда Қирғизистон пойтахти Бишкекда Сундус номли исломий болалар боғчаси очилди Бу ҳақда iqna манбаси хабар берди.

Унда болаларга Қуръоннинг қисқа суралари, ҳадислар ва Ислом маданияти ўргатилмоқда.

Қирғизистонда таниқли Ислом мутафаккири ва Қирғизистоннинг собиқ бош муфтийси Шайх Чобак Ҳожи Жалиловнинг рафиқаси Айсалкин Колматова Бишкекда исломий болалар боғчасини ташкил қилиб, унга қизининг исми Сундус номини берди.

Ушбу болалар боғчасини ташкил этишдан мақсад ёш авлодни гўзал хулқ-атворлар билан тарбиялашдир.

Колматова Қирғизистондаги Наъим Ислом мактабига қарашли болалар боғчасида етти йилдан кўпроқ вақт ўқитувчи ва директор бўлиб ишлаган. Ўша пайтда у қачондир ўз боғчасини очишни орзу қилган.

Шу нуқтаи назардан Айсалкин Колматова ушбу болалар боғчасини ташкил этишдан мақсад Аллоҳ Таолонинг розилигига эришиш ва гўзал хулқли болаларни тарбиялашдан иборат эканлигини айтиб, ушбу боғчада умумий ўқув дастуридан ташқари болаларга Қуръони каримдан қисқа суралар ёдлатилиши ва Пайғамбаримиз ҳадислари таржимаси ўргатилишини таъкидлади.

Шуни ҳам айтиб ўтиш керакки, ушбу боғчадаги барча ўқитувчилар олий маълумотга эга, исломий ва ижтимоий билимларни чуқур эгаллаган ҳамда болалар билан ишлаш тажрибаларига эга бўлган устозлардир.

Қирғизистондаги ушбу Сундус болалар боғчаси ўқув режалари бўйича ноёбдир ва 2,5 ёшдан 6 ёшгача бўлган болаларни қабул қилади.

Мавзуга оид мақолалар
Ислом олами робитаси китоб ва суннатга хизмат қилиш ҳайъати Қирғизистон мусулмонлари идораси билан ҳамкорликда Қуръони каримни ёд олган қирқ етти қори шарафига давоми...

1417 09:50 / 23.07.2019
Ўзбекистон президенти Шавкат Мирзиёев Остона шаҳрида бўлиб ўтаётган Туркий давлатлар ташкилоти Давлат раҳбарлари кенгаши мажлисида нутқ сўзлади. Унда давоми...

1118 13:57 / 03.11.2023
Ўзбекистондаги 2025 йилги Ҳаж мавсуми шу йил 13 майдан бошланади. 28 майга қадар ҳар куни юртимиздан Саудия Арабистонига авиақатновлар амалга оширилади. Зиёратчилар давоми...

560 14:58 / 03 май
Бангладешнинг Тангил шаҳрида барпо этилган масжид дунёдаги энг баланд минорали масжид дея эътироф этилди. Бу ҳақда Arap News нашри хабар беради. Мазкур масжиднинг давоми...

2587 18:00 / 18.06.2019