1441 йил 8 шаввол | 2020 йил 31 май, якшанба
Минтақа:
ЎЗ UZ RU EN AR
Муслималар саҳифаси

Урчитувчининг сути масаласи

10:30 / 29 апрель 1100 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

«Ибн Аббос розияллоҳу анҳудан: 

«Бир кишининг иккита хотини бўлса, улардан бири бир қиз болани эмизса, бошқаси ўғил болани эмизса, қиз болага ҳалиги ўғил бола уйланса бўладими?» деб сўралди. У киши: 

«Йўқ, чунки урчитиш битта», дедилар». 

Термизий ривоят қилган. Аллоҳ олий ва билгувчироқдир.

Шарҳ: Аёл киши эридан ҳомиладор бўлиб, туққанидан кейин сут келади. Ўша сутга эри сабаб бўлади. Бу «урчитувчининг сути» дейилади. Шунинг учун бир эркакнинг икки хотини бўлса, ҳар икки хотиннинг сути ҳам бир урчитувчидан пайдо бўлади. Демак, икки кундош аёлни эмган болалар худди бир аёлни эмганнинг ҳукмида бўладилар.

«Урчитувчининг сути» масаласи ҳам нозик масала бўлиб, бу ҳақда фиқҳ китобларимизда батафсил баён қилинган. Биргина мисол келтирайлик.

Бир аёл эридан ҳомиладорлик пайтида талоқ қилинди. Боласини туғиб, иддаси чиқди. Сўнг бошқа одамга турмушга чиқди. Янги туққанлиги учун сути бор. Бир бегона болани эмизди. Ўша болага ким эмизикли ота бўлади: талоқ қилган эркакми ёки аёл билан бирга яшаб турган иккинчи эрми? Албатта, талоқ қилган биринчи эр. Чунки аёлдаги ҳозирги мавжуд сутнинг пайдо бўлишига ва келишига ўша одам сабаб бўлган.

Кўриниб турибдики, никоҳ масаласи ниҳоятда нозик масала. У умр масаласи, ҳалол-ҳаром масаласи, кўпгина омилларга боғлиқ масаладир. Шунингдек, у инсоннинг бутун умрига, дунёси ва охиратига, бўлажак зурриётларига ҳам ўз таъсирини ўтказадиган масала. Шунинг учун бу ишга катта эътибор билан қараш лозим. Никоҳга қўл уришдан олдин уни яхшилаб ўрганиб, унга пухта тайёргарлик кўриш керак. 

Ёшлар ёшлик қилиб, баъзи ишларни англашлари, тушуниб етишлари қийин бўлса, уларга волийлари, ота-оналари, қариндошлари ёрдам беришлари, бу ишда бош бўлишлари лозим.

«Ҳадис ва ҳаёт» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Ўртангиздаги муҳаббат ҳасталикка учраб, ўлим томон юз тутаётганини сезган заҳотинг уни ҳимоя қилишга, соғомон сақлаб қолишга ҳаракат қил.1. Эзгу дуо ёки мақтов давоми...

7390 14:40 / 09.04.2019
VТўйдан кейин саодат тўла оилавий турмуш бошланди. Ҳамма нарса бирбирига муносиб эди. Яшаш жойида эру хотиндан бошқа кишилар ҳам бор эди.Хадийжа бинти давоми...

1510 16:02 / 15.10.2018
Қалбига муҳаббат шамоли кирмаган аёл омоч билан ҳайдалмаган, дарахтлару, фойдали ўсимликлар ўсмайдиган, бунинг ўрнига ҳашарот ва қуртқумурсқалар ўрмалаб юрган давоми...

3939 19:30 / 23.03.2019
IVАллоҳ таолонинг изни ила Расулуллоҳ соллаллоҳу алайҳи васаллам ҳижрат қилганларида Савда бинти Замъа онамиз ҳам у зотнинг ортларидан қизларни олиб, ҳижрат давоми...

756 11:45 / 03.02.2019
Видеолар

255 18:32 / 23 май
Аудиолар

37223 11:58 / 10.10.2018
«Ҳилол» журнали
Топ рейтинг www.uz Openstat