Рамазонни қандай ўтказамиз?
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Алҳамдулиллаҳ муборак Рамазон ойи ҳам кириб келди. Аллоҳим бу гўзал ойни бизга барокатли қилиб берсин.
Рамазон ойи танни ва руҳни даволовчи шифо ойидир. Бу муборак ойда жаннат эшиклари очилади ва жаҳаннам эшиклари ёпилади, шайтонлар кишанланади ва энг улуғ кечалардан – Қадр кечаси бордир.
Рамазон ойи муслима аёлларимиз учун бошқача бир шукуҳ ва катта тайёргарлик билан бошланади. Бу яхши албатта. Лекин аввало ўзимиз учун кун тартибини тузиб олсак мақсадга мувофиқ бўлади. Чунки рўза ибодати улуғ ибодат, Рамазон ойининг ҳар дақиқасидан унумли фойдаланмоқ зарур.
Маълумки, бизнинг аёллар кўп вақтларини ошхонада ифторлик тайёрлаш билан билан ўтказиб юборишади. Аммо Рамазон ойи нафсдан тийилиб ибодат билан ўтказиш зарур. Шундай экан бу ойда ошхонада камроқ вақт ўтказишимиз биз муслималар учун ибодатга кўп вақт ажратишимизга имкон беради.
Рамазон ойини Қуръон тиловати, садақа, зикр, намоз каби гўзал аммаллар билан бойитишимиз даркор.
Келинг, энди Рамазонда ҳамма ишимизни бажаришга улгуришимиз учун таомнома эмас балки, кун тартиби тузуб чиқамиз.
Саҳарлик
Зикрлар
Бомдод
Қуръон ҳатм қилиш
Уй ишлари
Зуҳо номози
Дунёвий дарслар ёки фарзандлар тарбияси
Пешин
Қуръон ҳатм қилиш
Дам олиш
Аср
Дуо ва зикр
Уй ишлари, (ифторга тайёрланиш)
Шом
Ифторлик
Ишлар ёки сайр
Хуфтон
Қуръон ҳатм қилиш
Таровеҳ
Нафл намозлар
Ибодат ва зикрлар
Қурони каримда келишича
«Ҳар ким эрталик учун нима тақдим қилганига назар солсин». (Ҳашр сураси, 18-оят).
Азиз диндошим, шундай қилиб бу улуғ ойни дунёвий ишларга сарфлаб беҳуда ўтказмайлик, барчамизнинг қалбимизга иймон ва тақво жойлашини ва Ўзи тўғри йўл кўрсатишини, ҳаётимизни ибодат ва яхши амаллар билан безашини Аллоҳдан сўраб қоламиз.
Фарангиз Очилова
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
