1445 йил 14 зулқаъда | 2024 йил 22 май, чоршанба
Минтақа:
ЎЗ UZ RU EN
Муслималар саҳифаси

Агар истасанг, сенга яна зиёда қиламан

11:20 / 17.08.2019 2741 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Умму Салама розияллоҳу анҳо Расулуллоҳ соллаллоҳу алайҳи васалламга турмушга чиқишга рози бўлганларидан кейин ўғилларига валиюл амр сифатида бу никоҳга розилигини эълон қилишини айтганлар. Ўғиллари бу ишни бажарган.

Умму Салама розияллоҳу анҳонинг Пайғамбар соллаллоҳу алайҳи васалламга никоҳланишлари тўртинчи ҳижрий сананинг Шаввол ойида бўлган.

Муслим ва Абу Довудлар Умму Салама розияллоҳу анҳодан ривоят қиладилар:

«Расулуллоҳ соллаллоҳу алайҳи васаллам у кишига уйланган пайтларида олдиларида уч кун турган эканлар ва:

«Албатта, сенга бундай қилишда аҳлингни ҳақир санаш йўқ. Агар хоҳласанг, сенга етти кун қиламан, агар сенга етти кун ажратсам, аёлларимга ҳам етти кун ажратаман», деган эканлар».

Муслимнинг ривоятида:

«Агар истасанг, сенга яна зиёда қиламан ва бунга яраша ҳисоб қиламан. Бикрга етти кун, жувонга уч кун», дейилган».

Ўшанда Умму Салама онамиз «Уч кун қилинг ва хотинларингизнинг олдига бораверинг», деган эканлар.

Аввал ҳам таъкидланганидек, Пайғамбар соллаллоҳу алайҳи васаллам Умму Салама онамизга у кишининг эрлари Абу Салама розияллоҳу анҳу ўлганларидан кейин болалари кўплиги учун қийналмасин, деб уйланганлар.

Бунинг устига, Умму Салама розияллоҳу анҳонинг ёшлари Пайғамбаримиз соллаллоҳу алайҳи васалламнинг ёшларидан катта бўлган. Шунинг учун ҳам никоҳдан кейин у кишининг олдиларида уч кун турганларидан сўнг Пайғамбар соллаллоҳу алайҳи васаллам ҳақни тушунтирганлар. «Уч кун турдим, шариатда кўрсатилгани шу. Олдингда ортиқча турмаслигим сени паст санаш эмас. Агар хоҳласанг, етти кун туришим ҳам мумкин, лекин сенга бундай қилсам, бошқа хотинларимга ҳам шундай қилишим керак бўлади», деган маънода гап айтганлар.

Умму Салама онамизнинг Расулуллоҳ соллаллоҳу алайҳи васалламга «Уч кун қилинг ва хотинларингизнинг олдига бораверинг», деганлари у кишининг нақадар оқила ва ҳамма нарсани нозик англаб етадиган зот эканликларига далилдир.

Умму Салама онамиз Расулуллоҳ соллаллоҳу алайҳи васалламнинг хизматларида ҳозиру нозир бўлиш учун ўзларини фидокорона тутар эдилар. Бу борада у киши ўзларини ҳам, бошқаларни ҳам аямас эдилар.

Ибн Саъд раҳматуллоҳи алайҳи «Тобақот» китобида Мутталиб ибн Абдуллоҳ ибн Ҳантобдан ривоят қиладилар:

«Умму Салама мусулмонларнинг улуғининг олдиларига кечки пайт келин бўлиб кирди ва ўша кечаси қўл тегирмонида ун тортди».

Бу ҳол ҳам Умму Салама онамиз розияллоҳу анҳонинг кимлигини яққол кўрсатади.

У киши Набий соллаллоҳу алайҳи васалламга қилиниши лозим бўлган хизматга халақит берадиган кичик қизларини эмикдош акалари Аммор ибн Ясир розияллоҳу анҳуникига бериб юборган эдилар.

Умму Салама онамиз розияллоҳу анҳонинг Сафина исмли қуллари бор эди. У киши Расулуллоҳ соллаллоҳу алайҳи васалламга доимий хизмат қилиш шарти билан Сафинани озод қилдилар ва Сафина у зотга доимий хизматда бўлди.

«Ҳадис ва ҳаёт» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
биринчи мақолаУмму Салама онамизнинг Набий соллаллоҳу алайҳи васалламга турмушга чиқиб, у зотнинг азвожи мутоҳҳараларидан бири бўлишларининг ўзи катта шараф давоми...

1571 16:10 / 22.08.2019
VIIIСавда бинти Замъа онамиз кўп чиройли ва ҳамида фазилатлар эгаси бўлганлар. Ҳадис, сийрат ва тарих китобларимизда мазкур олиймақом сифатлар ҳақида кўплаб давоми...

2191 17:00 / 24.02.2019
Савол Ассалому алайкум Атир сепиб кўчага чиқиш аёлларга ҳаром қилинганмиЖавобndash Ва алайкум ассаломАбдуллоҳнинг аёли Зайнаб розияллоҳу анҳодан ривоят давоми...

4560 07:49 / 04.01.2021
Муборак ўғил Бир кун Фиръавн туш кўрди .Тушида бир ўт Байтул Муқаддасдан Мисргача ёниб келаётганди. Таъбирчиларнинг айтишларича, Бани Исроилдан бир бола туғилиб, давоми...

1795 17:00 / 17.02.2021
Аудиолар

121722 11:58 / 10.10.2018
«Ҳилол» журнали
Китоблар

43163 14:35 / 11.08.2021