1441 йил 21 сафар | 2019 йил 20 октябрь, якшанба
Минтақа:
ЎЗ UZ RU EN AR
Муслималар саҳифаси

Китоб ўқи, жон қизим!

16:15 / 07 февраль 1534 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Сўнгги пайтларда юртимизда китоб ўқишга тарғибот ишлари кенг кўламда амалга оширилмоқда. Кутубхона ва нашриётлар фаолиятини кенгайтириш, кишиларнинг китобхонлик даражасини ошириш, уларни китобга қизиқтириш борасида қарорлар қабул қилиниб, бу қарорларни ҳаётга татбиқ этишга алоҳида эътибор қаратилмоқда. Ҳатто Президентимизнинг ташаббуси билан республика миқёсида «Ёш китобхон» кўрик-танлови ташкил этилиб, юртимиз тарихида ҳали ҳеч қачон кузатилмаган воқеликка гувоҳ бўлиб турибмиз. Бу, албатта, қувонарли ҳол. Шуларни ўйлар эканман, азиз қизларимизга шундай мурожаат қилишни истадим:

Қизалоғим! Фаол, гўзал ахлоқли, дунёқараши кенг, атрофдагиларга таъсир эта оладиган инсон бўлишинг учун китобингга қайт! Анчадан бери бепарво ташлаб, ҳижронга қўйганингдан китобинг шикоят қилмоқда. Унга қулоқ тут, уни энг яқин дўстингга, бир умрлик ҳамроҳингга айлантир!

Ҳисоб-китобларга қараганда олий ўқув юртларидан бирида талабалар бир кунда ўртача уч бетгина китоб ўқишар экан.

Аксарият қизларнинг китоб ўрнига чиройли кофта сотиб олишни хоҳлаши ҳеч биримизга сир эмас.

Воқеликдан маълумки, эркаклар ҳам, аёллар ҳам маълум бир мавзудаги китобларни бирдек қабул қиладилар. Мисол учун:

1. Кўпчилик қизлар енгил-елпи, саёз маъноли кичик китобчаларни ўқишади. Масалан, тиббиётга оид қўлланмалар бўладими, аёлларга хос масалаларга доир китобларми, оила ва ижтимоий соҳага оид асарлар бўладими, фарқи йўқ, ҳаммасида ҳам рисолачаларнигина ўқишади. Шунингдек, сеҳр-жодуга, туш таъбирларига оид китоблар ҳам кўпчиликни қизиқтиради.

2. Севги-муҳаббат мавзусидаги, ошкора ҳис-туйғулар акс этган роман ва қиссаларни ўқишга қизиқувчилар ҳам талайгина.

3. Шаръий китоблар, Қуръон ва Суннатга, фиқҳга, тафсирга оид китоблар, тарих китоблари, диний тарбия борасидаги китоблар.

Сўнгги пайтларда бундай китобларни ўқиб-ўрганиш, ёшлар ўртасида диний маърифатни кенг ёйиш жуда яхши натижалар бермоқда.

Лекин баъзи таклиф ва мулоҳазалар борки, агар улар амалга ошса, юртимиз равнақига, унда истиқомат қилувчи аёл-қизлар турмуш даражасининг кўтарилишига ёрдам бериши шубҳасиз. Мисол учун, ўспирин қизларнинг таълим-тарбиясида, шахсиятини ривожлантиришда, маънавиятини шакллантиришда катта аҳамиятга эга бўлган илмий-амалий курслар очилса, улар қадрятларимизни, дину диёнатимизни, ахлоқимизни ва қизларимизни асрашга хизмат қилади. Шунингдек, аёллар орасида китобхонлик кечаларининг ўтказилиши, китоблар, мақола ва шеърлар ёзиш бўйича мусобақалар уюштирилиши, уларнинг электрон сайтларда фаол иштирок этиши. Бундай тадбирлар хоҳ аёлларга хос мавзуларда бўлсин, хоҳ умумий муаммолар хусусида бўлсин, ёшларни маълум мақсад сари юзлантириб, уларнинг ахлоқи ва таълим-тарбиясига ижобий таъсир кўрсатиши шубҳасиз.

«Қизларжон...» китобидан

Муаллиф
Одинахон Муҳаммад Юсуф
Манба
Muslimaat.uz
Мавзуга оид мақолалар
Ўртангиздаги муҳаббат ҳасталикка учраб, ўлим томон юз тутаётганини сезган заҳотинг уни ҳимоя қилишга, соғомон сақлаб қолишга ҳаракат қил.1. Эзгу дуо ёки мақтов давоми...

6817 14:40 / 09 апрель
Расулуллоҳ соллаллоҳу алайҳи васалламнинг бундай қилишларига сабаб бор эди. Бу сабабни у зотдан бошқа фақат Яратганнинг Ўзи билар эди.Бу сабабни билиш учун имом давоми...

297 12:35 / 08 октябрь
Ҳижратнинг иккинчи йили, Рамазон ойида Аллоҳ таоло Расулуллоҳ соллаллоҳу алайҳи васаллам бошлиқ мўмин бандаларига Бадр ғазотида улкан ғалабани берди. Рамазон давоми...

1440 16:06 / 08.11.2018
Ислом ўзининг одилона ҳукмлари ила аёл кишига нисбатан қаттиқ таклифларни қўймаслик қоидасига биноан, уларни жангда қатнашиш масъулиятидан озод қилди.Шунга давоми...

1204 20:05 / 04 сентябрь
Топ рейтинг www.uz Openstat