1445 йил 9 Рамазон | 2024 йил 19 март, сешанба
Минтақа:
ЎЗ UZ RU EN
Янгиликлар

Бухоро зиёрати давом этмоқда...

13:09 / 22.09.2018 3639 pdf Ўқиш режими + -

Жорий йилнинг 22 сентябрь куни Ислом дунёсининг машҳур олими шайх Муҳаммад Аввома ва улар бошчилигида делегация Бухорои шарифнинг муқаддас қадамжоларини зиёрат қилишда давом этдилар.

Илк зиёратгоҳ Абу Ҳафс Кабир (Имом Ҳожатбарор) қадамжолари бўлди. У ерда шайх ҳазрат ва зиёратчиларни республикамиздаги диний таълим йўналишида сабоқ бераётган ўқитувчи-домлалар катта эҳтиром ила кутиб олдилар.

Шу ўринда, Абу Ҳафс Кабир (767-832) ҳақида икки оғиз сўз.

Абу Ҳафс Аҳмад ибн Ҳафс аз-Зиракон Абдуллоҳ ал-Бухорий милодий 767 йилда Бухорода туғилганлар. Ўз исмлари Саййид Аҳмад.

Юксак илми туфайли "Кабир" (Буюк), соҳиби каромат сифатлари сабаб "Ҳожатбарор" дея эъзозланган. Хожа Абу Ҳафс Кабир шарофатларидан Бухорои шариф "Қуббатул ислом" унвонига эришган.

Қуръон тиловатидан сўнг, шайх ҳазрат Абу Ҳафс Кабирнинг қабрларини ҳурмат ила зиёрат қилдилар. У ердаги ҳужралар, ҳовуз, минорани томоша қилдилар.

Шу ернинг ўзида шайх Муҳаммад Аввома ҳазратлари ташриф буюрганларга шаръий илмларни ўз соҳа эгасидан таълим олиш зарурлиги билан боғлиқ мавзуда суҳбат қилдилар. Суҳбат давомида шайх ҳазрат тингловчиларга мавзу билан боғлиқ бир қанча қиссаларни ҳам келтириб ўтдилар. Учрашув барча иштирокчиларда унутилмас, ёрқин таассуротлар қолдирди.


Сўнгра Чашмаи Аюб (“Аюб булоғи”) қадамжосига қараб йўл олинди. Зиёратчилар қадамжо ичида жойлашган Имом Бухорийнинг устозлари Абдуллоҳ ибн Муҳаммад Муснадий қабрларини зиёрат қилишди, Қуръони каримдан оятлар ўқилди. Дуои фотиҳадан сўнг ҳадис илми, ҳадис илмининг фазилатлари, Абдуллоҳ ибн Муҳаммад Муснадийнинг ҳадис илми ривожи учун қилган хизматлари шайх Муҳаммад Аввома ҳазратлари томонидан алоҳида эътироф этилди.


Шундай кейин Абу Бакр Исҳоқ ал-Гулабодийнинг қабрлари зиёрат қилинди. У киши ҳижрий 380 йилда вафот этганлар. Машҳур асарлари  “Тасаввуф аҳлини масҳаби билан танишиш” деб  номланади. Абу Бакр Исҳоқ ал-Гулабодий тасаввуф намоёндаларидан бўлганлар. Шайх Муҳаммад Аввома ҳазратлари у кишининг қабрлари устида тиловат қилиб, дуои хайрлар қилганларидан сўнг, қисқача у киши ҳақида тўхталиб ўтдилар. Шунингдек, тасаввуф ва шаръий илмлар фазилатлари борасида, мазкур илмларга бўлган эҳтиёжимиз ҳақида ҳам сўз юритдилар.

Ташрифга доир маълумотлар интернетдаги расмий саҳифаларимизда ёритиб борилади. Бизни кузатиб боринг.

Islom.uz портали таҳририяти


Муаллиф
islom.uz
Мавзуга оид мақолалар
Бугун .Ҳилолнашр, нашриёти ҳамда Ислом.уз портали томонидан ташкил қилинган .Қуръонга хизмат ndash олий мақсад, номли анжуман бўлиб ўтди.Аллоҳ таоло пайғамбари давоми...

8008 20:33 / 22.07.2017
Uzoq yillardan buyon xalqimizga sof islom dini marifatini va Shayx Muhammad Sodiq Muhammad Yusuf hazratlarining ilmiy merosini yetkazib kelayotgan islom.uz portalining Facebook sahifasi obunachilar soni 100 mingdan oshdi. Bizni kuzatib borayotgan barcha mo`min musulmonlarga rahmat islomuz

556 12:00 / 29.05.2023
Юртимизнинг азиз меҳмонлари mdash шайх Муҳаммад Холид Хорса ҳамда шайх Аҳмад Муҳаммад Фодил ҳазратлари Бухоро сафаридан сўнг очиқ осмон остидаги музей, тарихий давоми...

1136 17:29 / 09.06.2022
.СанктПетербург, масжидининг дизайни .Шоҳ мақбараси, деб таржима қилинган .ГўриAмир, деб номланган Самарқанддаги Темурийлар мақбараси асосида яратилган. Ушбу давоми...

1733 15:00 / 07.04.2021
Видеолар

1479 20:02 / 08 март
Аудиолар

118129 11:58 / 10.10.2018
«Ҳилол» журнали
Китоблар

40244 14:35 / 11.08.2021