Оғир жудолик
«Ҳилол-нашр» матбаа-нашриёти ҳамда islom.uz портали жамоаси Покистоннинг машҳур фақиҳларидан бири, Карачидаги Дорул-улум ҳадис мударриси, фазилатли шайх, аллома, муфтий Маҳмуд Ашраф Усмонийнинг вафотлари муносабати билан чуқур ва самимий таъзия изҳор қилади.
Фазилатли шайх Маҳмуд Ашраф Усмоний раҳимаҳуллоҳ камтарликлари, хушмуомалалиги ва бошқа кўплаб фазилатлари билан ажралиб турадиган кучли тақво соҳиби эдилар, аллома Муҳаммад Тақий Усмоний ҳафизаҳуллоҳнинг жияни эдилар.
Шайх Маҳмуд Ашраф Усмоний раҳимаҳуллоҳ исломий илмларга оид кўплаб асарларнинг муаллифидир, хусусан, «Муовия розияллоҳу анҳунинг сийратлари» номли асарлари машҳурдир.
Аллоҳ таоло бу улуғ олимнинг аҳлу оилаларига, яқинларига, сафдошлари, шогирду талабаларига сабру жамил ато этсин. Бу жудоликда мусибатга учраган барча азизларимизга чин юракдан таъзия изҳор қиламиз.
Аллоҳ таолодан улуғ устоз, шайх Маҳмуд Ашраф Усмоний ҳазратларини Ўз раҳматига олишини, қилган эзгу амаллари, Исломга қилган хизматларини ҳусни қабул айлаб, гўзал мукофотлар билан сийлашини сўраймиз. Аллоҳ таоло бу каби уламолардан сўнг умматга хайри халафлар берсин.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
