1441 йил 16 рабиъул аввал | 2019 йил 13 ноябрь, чоршанба
Минтақа:
ЎЗ UZ RU EN AR
Савол жавоб

Бошқоронғиликда ўзни қандай тутилади?

18:46 / 24.04.2016 1215 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Келиним биринчи марта бошқоронғи бўлганида эркалик ва тантиқликни шунақанги ошириб юбордики, ҳалигача “туғаман” деса юрагим безиллайди. Бу борада шариатнинг алоҳида кўрсатмалари борми?  

ЖАВОБ: Бошқоронғилик аёл ҳомиладорлигининг илк даврида унда намоён бўладиган ҳиссий ҳолатдир. Кўнгил айниши, муайян нарса ҳидини ё муайян таомни ёқтирмаслик ёки муайян таомни, кўпинча нордон таомларни ейишни исташ, жиззакилик кабилар бошқоронғилик белгиларидир. Бошқоронғи аёл кўнгли нордон таомларни қаттиқ тусашини сезади.

Бошқоронғиликнинг эр-хотин иноқлигига ва уларнинг алоқаларидаги жозибага таъсири борми ёки йўқми? Бошқоронғиликнинг ҳомиладор аёл мизожи ва кўнгли ўзгаришига, унинг асаблари ва жисмига таъсир кўрсатиши сир эмас. Бошқоронғилик аёлнинг туйғу ва истакларида ҳамда кўп ҳолларда эри билан муносабатларида акс этадиган ҳолатдир. Бошқоронғи аёл гоҳо эрининг ҳидини ёқтирмайди, эри унга яқинлашганида нафратланади. Бу эрини ёмон кўрганидан эмас, балки бутун мизожи ўзгаргани, безовталиги ва ҳаяжонидан бўлади. Аёл бу ҳолда ўз туйғу ва истакларини бошқаролмайди. Шунинг учун бу ҳолдан эсон-омон ўтиб олгунича унинг бу ҳолини ҳисобга олиш, бу даврда унга ғамхўрлик қилиш лозим бўлади.

Ақлли, зийрак эр хотинининг бошқоронғи бўлганини билганидан унга вазифаларни кўп айтмаслиги, юмшоқ бўлиши, аёлининг оромини ҳисобга олиши, қийинчиликларини тушуниши, ўз истак ва талаблари билан аёлига оғирлик туширмаслиги керак.

Ўз навбатида бошқоронғи аёл ҳам эрини бахтиёр қилиш ва унга ором етказиш учун бор имконини сарфлаши лозим. У доимо шуни ёдда тутиши керакки, бошқоронғилик она бўлишнинг биринчи белгисидир. Оналик эса шафқат, меҳр, яхшиликдир (Аллоҳ билувчидир).


Муаллиф
islom.uz
Мавзуга оид мақолалар
САВОЛ Аёл киши бошқа болани эмизиш учун эридан рухсат олиши шартми Бунда ҳам бирор шартқоидалар бормиЖАВОБ Бисмиллаҳир роҳманир роҳийм.Ҳа, албатта рухсат сўраш давоми...

1516 20:22 / 27.04.2016
МУЗОРАБА ШИРКАТИДА МОЛ ЭГАСИНИНГ ФОЙДАСИ МАЪЛУМ МИҚДОР МОЛ ИЛА БЕЛГИЛАНИШИ ЖОИЗМИАллоҳнинг Ўзига ҳамдлар бўлсинОртларидан набий йўқ зотга салавотлар давоми...

1335 16:14 / 27.04.2016
Агар дунёдан ўтиб кетган отаонаси учун деб мевали дарахт экса, кишилар ундан ейишса, бунинг савоби отаонасига борадимиАлбатта боради, нафақат кишилар ейишса, давоми...

1644 15:13 / 26.04.2016
СаволМуҳтарам УстозБир одам ўзига тегишли 10 сотиҳли ер майдонини масжид қуриш учун атаган эди. Енди масжид қуриш имкони ёъқлигидан ўша ерни сотиб, пулини Аллоҳ давоми...

2350 09:05 / 02.10.2017
Топ рейтинг www.uz Openstat