Танловга: Марҳабо эй, Ислом уз - қадрдон макон
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Тафриқу бидъатларга қаршисан ҳар дам
Тунда адашганларга ўзингдурсан шам
Хаққа томон чорлайсан ташла деб қадам
Бирёнда илми хадис, бирёнда Қуръон
Марҳабо эй, Ислом уз - қадрдон макон
Бу толиби илмларга ўзинг нажотсан
Чўл эмас яшнаган, бир боғсан, ободсан
Залолатдан ҳимоя, ўзинг работсан
Илму маърифатга чорлаган ирфон
Марҳабо эй, Ислом уз - қадрдон макон
Намозга чақириб мисоли сен Билол (р.а.)
Доимо чорлагувчи, бўлгин деб ҳалол
Оқимлардан сақлангин, топмагин завол
Тафаккур эгасига гўёки арқон
Марҳабо эй, Ислом уз - қадрдон макон
Сийрат, тафсир, хадис илмин бори сенда
Либоснинг кўрки сенда, дастори сенда
Илмига чанқоқларнинг мадори сенда
Ўзликни англаш учун берилган имкон
Марҳабо эй, Ислом уз - қадрдон макон
Ақл терандир гар тана бўлса саломат
Харомдан хазар қилиш яхши аломат
Ҳалолидан бор бўлсин бойлик, даромад
Зиёга чорлагувчи устозсан ҳар он
Марҳабо эй, Ислом уз - қадрдон макон
Пок ақийда ва ахли сунна шиори
Ислом карвонида бу ўлканинг нори
Жахолат ғаними-ю, маърифат ёри
Муҳлисларинг қаршилаб чиқар сен томон
Марҳабо эй, Ислом уз - қадрдон макон
Акбаржон
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
