1446 йил 20 Рамазон | 2025 йил 20 март, пайшанба
Минтақа:
Тошкент
ЎЗ UZ RU EN
Сиз юборган

Шайх Муҳаммад Ғаззолий ҳикояси

11:30 / 27.03.2017 3576 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Хамр ичишга одатланиб қолган бир кишига “Аллоҳга тавба қилмайсизми?” дедим. У менга синиқлик билан қаради-да, кўзларидан дув-дув ёш оқиб, шундай деди: “Менга инсоф тилаб Аллоҳга дуо қилинг”. 

Унинг аҳволини кўриб, қалбим эриб кетди. Албатта, унинг кўзидан қуйилаётган ёшлар Аллоҳнинг буйруғига итоатсизлик қилганини ҳис этиш, шу ишларига хафа бўлиш ва солиҳ инсон бўлишга интилиш натижаси эканлиги кўриниб турибди. Албатта, у мўмин, аммо, ёмон иллатга мубтало бўлган. У офиятни истаяпти ва ушбу офиятга яқинлашиш учун мендан ёрдам сўраяпти. Мен ўзимга-ўзим шундай дедим: “Гоҳида менинг ҳам аҳволим мана шу одамникидек ёки ундан-да ёмонроқ бўлади. Тўғри, мен ҳеч қачон хамр ичмаганман. Чунки, мен яшаган муҳит хамр деган нарсани танимас эди. Лекин мен кўпинча ғафлат хамридан истеъмол қилиб қўяман. Ўша ғафлат мени Роббимдан бурилишимга, Унинг ҳақларини унутишимга сабаб бўлади. Мана бу хамр ичувчи одам ўз нуқсонига йиғлаяпти, аммо мен ва менга ўхшаган кишилар ўз нуқсонларимизга ҳеч йиғламаймиз. Ўзимизни алдаб юраверамиз”. 

Кейин хамр ичишни ташлаши учун мендан дуо сўраган кишига юзландим ва унга: “Келинг, иккаламиз ўзимиз учун биргалашиб дуо қиламиз: 

ﺭﺑﻨﺎ ﻇﻠﻤﻨﺎ ﺃﻧﻔﺴﻨﺎ ﻭﺇﻥ ﻟﻢ ﺗﻐﻔﺮ ﻟﻨﺎ ﻭﺗﺮﺣﻤﻨﺎ ﻟﻨﻜﻮﻧﻦ ﻣﻦ ﺍﻟﺨﺎﺳﺮﻳﻦ  

“Эй Роббимиз, биз ўзимизга зулм қилдик. Агар Сен бизни кечирмасанг ва бизга раҳим қилмасанг, аниқ зиён кўрувчилардан бўлиб қоламиз”. 

Азизлар, ушбу дуони доим такрорлаб, Роббимиздан бизни кечиришини, бизга раҳим қилишини сўрайлик. Зеро, барчамиз гуноҳкормиз, ўзимизга кўп зулм қилганмиз. Аллоҳ барчамизни зиён кўришдан асраб, ҳақиқий нажотга эришган бандаларидан қилсин, омин!


Нозимжон Ҳошимжон



Муаллиф
islom.uz
Мавзуга оид мақолалар
Азиз УстозимАллоҳ жойингизни Фирдавс жаннатидан қилсин, висолига меҳмон айласин Бу дунёда Расулингиз Муҳаммад соллаллоҳу алайҳи васалламга содиқ уммат, чин давоми...

3109 16:44 / 27.03.2017
Қуръони каримнинг бир нечта оятлари ва ҳадиси шарифларда истиғфор айтиш Аллоҳ таолонинг фазли билан ризқнинг кенгайишига сабаб экани айтилган.Қуръони каримда давоми...

7216 20:15 / 22.04.2017
Умраrdquo сўзи луғатда зиёрат маъносини англатади. Истилоҳда эса бу сўз билан ҳаж мавсумидан бошқа пайтда махсус амаллар билан МасжидулҲаромни зиёрат қилиш давоми...

78907 13:58 / 24.03.2017
Барчамизга маълумки бугунги кунда ислом ёки мусумлон деганда ғарб халқларининг фикри 2001йил 11 сентабр воқеаларидан сўнг бир хил яъни улар терроситларrdquo. Савол давоми...

2735 21:28 / 21.04.2017