Саудия Арабистони Умра зиёрати ҳақида баёнот берди
Саудия Арабистонининг Ҳаж ва Умра вазирлиги умра зиёратини такрорлаш ва аввалги умра тугаганидан кейин янги лицензия олиш имконияти бекор қилингани ҳамда такрорий амаллар учун ажратилган вақт 10 кун эканлигини маълум қилди. Бу ҳақда Россиянинг аль Йому нашри хабар берди.
Саудия Арабистонининг Ҳаж ва Умра вазирлиги бу ўзгаришни икки зиёратгоҳда профилактик тадбирлар ўтказилаётгани сабабли умра амалини такрорлаш учун муддат белгиланиши билан изоҳлади.
Масжидул Ҳарам ва Масжидул Набий бош бошқармаси Масжидул Ҳарам ичкарисида ва ташқарисида мўминлар ва зиёратчилар ўртасидаги ижтимоий масофа бўйича кўрсатмаларга амал қилишини маълум қилди. Деворларда намозхонлар қатори, зиёратчилар йўллари ўртасида ҳаракатланиш масофасини сақлаш зарурлиги ҳақида йўл-йўриқлар расмли шаклда осиб қўйилди.
Бу тартиб зиёратчиларнинг саломатлигини асраш ҳамда корона вирус тарқалишининг олдини олиш мақсадида Макка зиёратгоҳидаги ҳовлилар ва ибодатхоналарга ҳам татбиқ этилган.
1 декабрдан бошлаб Саудия Арабистони Ички ишлар вазирлиги айрим мамлакатлар фуқароларига умра ибодатини бажаришга рухсат берди. Аммо энди мамлакатда корона вирус қайта авж олгани сабаб, Саудия Арабистони расмийлари хорижликлар учун эҳтиёт чораларини кўриш лозимлигини айтишди.
Саудия Арабистонида янги аниқланган корона вирус билан касалланганлар сони 2585 нафарга етди. Соғлиқни сақлаш вазирлиги яқин кунларда бу рақам сезиларли даражада ошишини маълум қилган.
Хуршид Маъруф тайёрлади
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
