Тиб, фиқҳ ва ҳилмдан билмаганларим!
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Абдуссамад ибн Муаққал Ваҳб ибн Мунаббаҳнинг ҳаммажлисларидан бирида шундай деганини эшитган:
«Мен сенга табиблар билмайдиган тиб, фақиҳлар билмайдиган фиқҳ ва ҳалимлар англамаган ҳилмни ўргатайми»?
Шериги: «Ҳа ўргатинг, эй, Абу Абдуллоҳ», деди.
«Табиблар билмайдиган тиб шуки, таомнинг аввалида Аллоҳ номини айтиб ва охирида Унга ҳамд айтмасдан емаслигингдир. Фақиҳлар билмайдиган фиқҳ эса ўзинг биладиган нарса ҳақида савол сўрасалар, унга ўз илминг билан жавоб бер, билмасанг билмайман деб айтишингдир. Ҳалимлар билмайдиган ҳилм кўп сукут қилишинг ва сўралган пайтдагина жавоб беришингдир», дедилар.
Абдуллоҳ ибн Масъуд розияллоҳу анҳу: «Албатта, одамларга уларнинг ҳар бири сўраган фатвоси учун фатво берган одам мажнундир», деганлар.
Қосим ва ибн Сирийн роҳимаҳуллоҳ шундай деганлар: «Кишининг жоҳил ҳолда ўлиб кетиши унинг билмаган нарсасини гапиришидан яхшироқдир».
Саийд ибн Жубайр роҳимаҳуллоҳ: «Ким билмаганини: «Мен биламан», деса унга вой бўлсин», деган.
Олимлар — устозлар ўз шогирдларига илм ўргатишдан ташқари «Билмайман» дейишни таълим беришлари лозим.
«Раббоний уламолар» асари асосида Хуршид Маъруф тайёрлади
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
