1445 йил 20 зулқаъда | 2024 йил 28 май, сешанба
Минтақа:
ЎЗ UZ RU EN
Шахсият

Ишларда шошилмаслик

05:00 / 07.03.2017 3217 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

888. Зуҳрий Балий қабиласидан бўлган бир кишидан қилган ривоятда айтилади:

«Расулуллоҳ соллаллоҳу алайҳи васалламнинг ҳузурларига отам билан бордим. Ул зот менга эшиттирмай, отамга бир нима дедилар. Шунда отамга:

«Сизга нима дедилар?» дедим.

«Қачон бир ишни қилмоқчи бўлсанг, шошилма. Токи Аллоҳ таоло сенга ундан қандай чиқишнинг йўлини кўрсатмагунча ёки Аллоҳ сенга чиқиш йўлини очмагунча» (дедилар)», деди».

Шарҳ: Бошига бир иш тушган киши шошилмаслиги, чуқур ўйлаб, пухта тадбир қилиши керак. Шунда Аллоҳ таоло унга Ўзи йўл кўрсатиб, ишини осонлаштириши мумкин.

Бошқа ҳадисларда ҳам «Шошқалоқлик шайтондандир», дейилган. Халқимизда бу ҳикмат «Етти ўлчаб, бир кес» деган мақолга айланиб кетган.

Анас ибн Молик розияллоҳу анҳудан ривоят қилинади:

«Набий соллаллоҳу алайҳи васаллам: «Шошмаслик Аллоҳдандир ва шошқалоқлик шайтондандир», дедилар».

Байҳақий ривоят қилган.

Аллоҳ таоло Анбиё сурасида:

«Инсон шошқалоқликдан халқ қилингандир», деган (37-оят).

Аллоҳ таоло Исро сурасида:

«Инсон шошқалоқ бўлгандир», деган (11-оят).

Аллоҳ таоло Тоҳа сурасида:

«Сенга ваҳийи битгунча Қуръон(тиловати)га ошиқма», деган (114-оят).

Чунки ишларга уларни яхшилаб ўрганиш ва билишдан кейингина киришиш лозим. Яхшилаб ўрганиш эса тааммулга ва муҳлатга муҳтождир. Бу нарса шошқалоқлик билан бўлмайди. Шошқалоқлик инсонни пала-партиш иш қилишга мажбур этади.

889. Муҳаммад ибн Ҳанафийядан ривоят қилинади:

«Аллоҳ таоло кишига бир кенглик ёки чиқиш йўли бермагунча ўзи билан яшаши керак бўлган кишига яхшилик билан муомала қилмаган одамни ҳаким деб бўлмайди».

Шарҳ: Доим бирга яшайдиган, хоҳлайсизми, хоҳламайсизми, бирга бўладиган киши билан яхши муомала қилиш керак экан. Акс ҳолда ўзимизга қийин бўлади. Ўша кишида ёмонлик бўлса ҳам, Аллоҳ таоло бир кун ундан қутулишнинг йўлини кўрсатади.

Ёмон муомала қилинса, ўртада жанжал, низо келиб чиқади, оқибат ёмонлик билан тугайди. Ёмонлигига қарамай, яхшилик қилинаверса, бир кун келиб, Аллоҳ таоло бунинг ажрини албатта беради.

 

ШайхМ уҳаммад Содиқ Муҳаммад Юсуф  

(Одоблар ҳазинаси китобидан)

Муаллиф
islom.uz
Мавзуга оид мақолалар
1. Яқин инсонингиз қаергадир кетиб қолганда унга нечоғли боғланиб қолганингиз маълум бўлади. Сиз бу пайтда уни йўқотганингиз туфайли сиқилишни ҳис қиляпсизми ёки давоми...

1356 15:43 / 18.11.2022
Аллоҳ таоло .Албатта, шайтон сизга душмандир. Бас, уни душман тутинг. У ўз гуруҳини фақат ўта қизиган дўзахга эга бўлишларига чақирур,, деган.Шайтоннинг инсон давоми...

4379 05:00 / 03.03.2017
.Ғамус, сўзи луғатда .чўмилиш,, .кўмилиш, маъноларини англатади. Шаръий истилоҳда эса, ботил нарса учун қасддан қасам ичишга .ғамус қасам, дейилади. Чунки, ундоқ давоми...

3135 05:00 / 03.03.2017
Унинг тиллодан бўлиши ҳаром, кумушдан бўлиши мустаҳабБу фаслда эркак кишиларнинг узуги ҳақида сўз кетади. Аёлларга тилло узук ва бошқа тилло тақинчоқлар ҳалол давоми...

5931 05:00 / 03.03.2017
Аудиолар

122088 11:58 / 10.10.2018
«Ҳилол» журнали
Китоблар

43454 14:35 / 11.08.2021