1440 йил 13 шаввол | 2019 йил 17 июнь, душанба
Минтақа:
ЎЗ UZ RU EN AR
Мақолалар

Жаннат дарёлари қаердан оқиб чиқади?

19:05 / 28.11.2018 1620 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Абу Ҳурайра розияллоҳу анҳудан ривоят қилинади: 

Расулуллоҳ соллаллоҳу алайҳи ва саллам: "Ким Аллоҳга ва Расулига иймон келтирса, намоз ўқиса, рўза тутса, уни жаннатга киргизиш Аллоҳнинг зиммасида бўлади, у Аллоҳ йўлида ҳижрат қиладими ёки (ҳижрат қилмай) туғилган юртида қоладими, фарқи йўқ", дедилар. 

Саҳобалар: "Эй Расулуллоҳ, инсонларга бу хушхабарни етказайликми?" деб сўрашди. 

У зот соллаллоҳу алайҳи ва саллам айтдилар: "Жаннатда юзта даража бор, уни Аллоҳ йўлида жаҳд қилувчилар учун тайёрлаб қўйган. Ҳар икки даражанинг ораси осмон билан ерча. Бас, агар Аллоҳдан сўрасангиз, Фирдавсни сўрангиз. Чунки у жаннатнинг энг олий ва баландидир, унинг шифти  Аллоҳнинг Арши. Ўша ердан жаннат дарёлари оқиб чиқади"

Бухорий ривоят қилган.

Қатода айтади: "Фирдавс – жаннатнинг энг олийси, энг ўртаси, афзали ва энг баландидир".

Баъзилар: "Фирдавс ҳамма жаннатларни ичига олган умумий ном, худди жаҳаннам барча дўзахларнинг умумий номи бўлганидек. Масалан, Аллоҳ таоло Мўминун сурасининг аввалида мўминларнинг сифатларини мақтаб, сўнг: "Ана ўшалар Фирдавсга меросхўр бўладиган ворислардир. Улар ўша жойда мангу қолурлар", деган. Яна Маъориж сурасида худди шундай сифат эгаларини: "Ана ўшалар жаннатларда ҳурмат-иззат кўргувчилардир", дейди. Бундан биламизки, Фирдавс битта жаннат эмас, балки бир нечта жаннат экан", дейдилар.

Ваҳб ибн Мунаббаҳ ҳам шундай фикрда.

Имом Қуртубийнинг 
“Тазкира”сидан

Мавзуга оид мақолалар
Абдурраҳмон ибн Зайд айтади .Бир куни Абу Ҳозимга шундай дедим .Мени бир нарса хафа қилади,. .Эй биродаримнинг ўғли, нима экан у, деб сўради Абу Ҳозим. .Дунёга давоми...

797 07:30 / 11 апрель
Агар кишининг хотини ва фарзандлари намоз ўқимаса, қиёматда эркак киши улар учун жавобгар бўладимиЖавоб Бисмиллаҳир роҳманир роҳийм.Албатта жавобгар бўлади. давоми...

4490 20:40 / 06 январь
Нубувват муҳри 2719. Соиб ибн Язид розияллоҳу анҳудан ривоят қилинади.Холам мени Набий соллаллоҳу алайҳи васалламнинг ҳузурларига олиб бориб.Эй Аллоҳнинг Расули, давоми...

1466 18:17 / 07.12.2017
Таҳоратли ҳолда ётган банданинг ҳақига фаришталар дуо қилади. Ибн Умар розияллоҳу анҳудан ривоят қилинади. Расулуллоҳ соллаллоҳу алайҳи васаллам айтдилар Ким давоми...

8224 19:40 / 27 март
Топ рейтинг www.uz Openstat