1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Янгиликлар

Миср бош имомига фахрий профессор унвони берилди

11:07 / 13.10.2018 2161 pdf Ўқиш режими + -

Ўзбекистон халқаро ислом академиясида Миср бош имоми, Ал-Азҳар мажмуаси раҳбари шайх Аҳмад Муҳаммад Таййиб бошчилигидаги делегация билан учрашув бўлди. Бу ҳақда ЎзА хабар берди.

Президент Шавкат Мирзиёев БМТ Бош Ассамблеясининг 72-сессиясида исломнинг асл моҳиятини тарғиб этишга қаратилган қатор таклифларни илгари сурди. Ушбу ташаббуслар ислом олимларининг ўзаро бирлашиши, ҳамкорлик қилишида ғоят муҳим аҳамиятга эга. Мамлакатимизда бу борада қатор амалий қадамлар ташланмоқда.

Учрашувда Вазирлар Маҳкамаси ҳузуридаги Дин ишлари бўйича қўмита раиси Ж.Акрамов, Ўзбекистон мусулмонлари идораси раиси, муфтий У.Алимов, Ўзбекистон халқаро ислом академияси ректори Ш.Ёвқочев ва бошқалар мамлакатимизда маърифий исломни ривожлантириш, буюк аждодларимизнинг дин софлигини таъминлашга қўшган улкан ҳиссасини ўрганиш ва тарғиб этиш юзасидан амалга оширилаётган хайрли ишлар ҳақида меҳмонларга маълумот берди.

Миср Бош имоми юртимизда ислом дунёсида машҳур кўплаб олиму уламолар етишиб чиққанини, мазкур таълим даргоҳи талабалари буюк аждодларимиз ишларининг давомчиси эканини таъкидлади.

Учрашувда мамлакатларимиз ўртасида диний-маърифий соҳада ҳамкорликни кенгайтириш, ўқитувчилар тажрибасини ошириш, кадрлар алмашувини йўлга қўйиш масалалари юзасидан фикр алмашилди. Ислом динидаги долзарб масалаларни давра суҳбатлари, семинарлар ва конференциялар ташкил этиш орқали илмий жиҳатдан таҳлил қилиш бўйича келишиб олинди. Шайх Аҳмад Муҳаммад Таййибга Ўзбекистон халқаро ислом академиясининг фахрий профессори унвони берилди.

Тадбирда Ўзбекистон халқаро ислом академияси билан Ал-Азҳар университети ўртасида ўзаро ҳамкорлик тўғрисида англашув меморандуми имзоланди.

Ўзбекистон Республикаси Олий Мажлиси Сенати Раиси Н.Йўлдошев билан суҳбатда Миср Бош имомининг Ўзбекистонга ташрифи мамлакатларимиз ўртасидаги фаол мулоқотнинг мантиқий давоми сифатида мамлакатларимизнинг дўстона ва ишонч руҳидаги алоқаларини янада ривожлантиришга хизмат қилиши қайд этилди.

Мулоқотда диний бағрикенглик, эътиқод эркинлигини таъминлаш, соф ислом маърифатини, унинг инсонпарварлик ғояларини жаҳон ҳамжамиятига етказишда ҳамкорликни мустаҳкамлаш ҳақида сўз юритилди.

Томонлар Ўзбекистон билан Миср ўртасидаги дўстлик ва ҳамкорлик ришталарини бундан буён ҳам мустаҳкамлашга тайёр эканини билдирди.

Islom.uz сайти портали таҳририяти

Манба
Uza.uz
Мавзуга оид мақолалар
Жорий йилнинг 1618 октябрь кунлари Тошкент шаҳрида фаолият олиб бораётган имомдомлаларга ҳудудларга бўлинган ҳолда қисқа муддатли маҳорат дарслари ўтилади. Бу давоми...

3148 14:08 / 17.10.2018
Рамазон ойи муносабати билан айни дамда бир қатор устозлар ва ҳофизи Қуръонлар Канада ва Америка Қўшма Штатларида бўлиб туришибди. Уламолар АҚШ ва Канададаги давоми...

1003 10:00 / 06.04.2023
Ислом цивилизацияси ndash бу Ислом динини қабул қилган халқларнинг моддий ва маънавий маданияти соҳасида инсоният жамиятининг ривожланишида эришилган ютуқлар давоми...

1545 12:30 / 17.08.2020
Азиз юртдошларСизга Islom.uz порталининг иловаси янгиланганини маълум қиламиз.Ушбу дастур сизни фазилатли Шайх Муҳаммад Содиқ Муҳаммад Юсуф ҳазратлари асос солган давоми...

5622 11:33 / 24.10.2018
Аудиолар

118750 11:58 / 10.10.2018
«Ҳилол» журнали
Китоблар

40709 14:35 / 11.08.2021