1446 йил 17 Рамазон | 2025 йил 17 март, душанба
Минтақа:
Тошкент
ЎЗ UZ RU EN
Руҳий тарбия

Ғийбатни кечириш

12:35 / 12.06.2018 5045 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Маълум бўлсинки, ғийбат қилинган киши ғийбат қилувчидан ҳақдор бўлиб қолади, яъни қиёмат куни унинг устидан шикоят қилиб, даъво қилишга ҳаққи бўлади. Ғийбат қилувчи ўз гуноҳига пушаймон бўлиб, кечирим сўраса, ғийбат қилинган инсон унинг узрини қабул қилсин. Бироқ кечириш унга лозим ва зарурий эмас, чунки ўз ҳаққини кечиш кишига вожиб ҳисобланмайди. Шунинг учун Саъид ибн Мусаййиб раҳимаҳуллоҳ: «Менга зулм қилган кишининг зулмини ҳалол қилмайман, яъни кечирмайман», деганлар.[1] У киши бу гаплари билан бировда менинг ҳаққим қолса, мен учун қиёматда фойда бўлади, демоқчилар.

Лекин муҳсин ва муттақийлар қиёмат куни одамлар билан ҳисоблашмаслик учун уларнинг камчиликларини кечирадилар. Одамларни кечиришда Аллоҳ таолонинг хурсандлиги бор, чунки ожизлигини изҳор қилиб, ёлворган кишини кечириб, гуноҳлардан пок этиш Аллоҳ таолонинг ишидир. Мўмин одам Аллоҳ таолонинг бу хулқи билан хулқланмоғи лозим.

Ҳикоя. Зайнул Обидин ибн Ҳусайн розияллоҳу анҳумо тонгда уйдан чиқаётиб: «Бугун мени ғийбат қиладиган кишига обрўйимни садақа қилдим (яъни мени ғийбат қилган кишидан норизо бўлмайман)», дер эканлар.[2]

Ҳадис. Расулуллоҳ соллаллоҳу алайҳи васаллам айтдилар: «Абу Замзамга ўхшамоқлик бирортангизнинг қўлингиздан келмайдими? У уйидан чиқаётиб: «Аллоҳим! Обрўйимни одамларга садақа қилдим», дер эди».[3]

Ҳадис. Расулуллоҳ соллаллоҳу алайҳи васаллам айтдилар: «Жаннатнинг бир улуғ дарвозаси бўлиб, ундан золимни кечирган кишигина киради».[4]

Ҳадис. Расулуллоҳ соллаллоҳу алайҳи васаллам: «Кимда учта хислат бўлса, Аллоҳ таоло уни енгил ҳисоб билан ҳисоб қилади ва уни жаннатга киритади», дедилар. Саҳобийлар: «Эй Аллоҳнинг Расули! Улар қайси хислатлар?» деб сўрадилар. Расулуллоҳ соллаллоҳу алайҳи васаллам: «Сени маҳрум қилган кишига берасан; сендан алоқани узганни улайсан; сенга зулм қилган кишини афв қиласан», деб жавоб бердилар.[5]

 

 

«Ғийбат ўзи нима?»

 Муҳаммад Абдулҳай Лакҳнавий

Таржимон: Ёрқинжон Фозилов


__________________________________

[1] «Иҳёу улумид-дин».

[2] «Ҳаётул ҳайвон».

[3] «Иҳёу улумид-дин».

[4] «Нузҳатул мажолис».

[5] Табароний ривояти.

Муаллиф
islom.uz
Мавзуга оид мақолалар
Ана у Бизларга Аллоҳнинг марҳамати Унинг осмонидан тўкилмоқда. Ана у Аллоҳ субҳанаҳу ва таолонинг саховати ва ёрдами билан Унинг фазлу карами ва эҳтироми давоми...

4193 19:22 / 22.01.2018
4. Қўл остидагиларга ғазаб қилиш вa унинг муoлaжaси. Aйтгaнни қилмайдиган ходимлардан, қўл остидагилардан хaфa бўлиб, улaрни ғийбaт қилиш зaмoнaмиз аҳлида одат тусига давоми...

3183 18:40 / 12.05.2018
Абу Нуъайм ўзининг .Ҳулятул авлиё,сида Муҳаммад ибн Абдулмалик ибн Ҳошимдан ривоят қилади.Зуннун Мисрий ўз дуосида қуйидагиларни айтганини эшитдим.Аллоҳим давоми...

3480 20:32 / 16.07.2017
ndash Иффатли мўминларни зинода айблаш.Аллоҳ таоло Нур сурасида марҳамат қилади.Албатта, покиза, ғофила ва мўмина аёлларга бўҳтон тоши отганлар бу дунёю охиратда давоми...

4032 20:47 / 18.02.2018