Фузул шартномаси
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
168
Ул замонда араблар , тутган дини бутпараст,
Ҳар хил бузуқ одатлар, одоблари жуда паст,
Хиёнатлар авжида,юрардиларфақат маст,
Маст бўлса ҳам бу элга, фурсат берганди АЛЛОҲ.
169
Ўрникелди шу жойда, баён қилай ҳадисдан,
Маккада эр йигитлар, ор қилдилар номусдан,
Бунга сабаб Осс ибнВоилнинг қусуридан,
Бир савдогар ҳолини, баён қилганди АЛЛОҲ.
170
“Фузул шартномаси” деб, тарихда машҳур бўлди,
Мухтасарёзай энди, воқеъа , шундай бўлди,
Зубайд қабиласидан , бир киши мазлум бўлди,
Қайси мазлум оҳ, деса, лаббай деб турар АЛЛОҲ.
171
Мол келтирди савдогар , Маккага савдо учун,
Ибни Воил харидор,бориниолмоқ учун,
Олибҳаққин бермади, золимбўлгани учун,
Оддий холатхиёнат, бу элни билар АЛЛОҲ.
172
Ҳаққин сўраб кўп нола, қилди меҳмон бу элда,
Лекин қалби юмшамас, золимлик ёмон фелда,
Менбечоразаифман , қувватим йўқда белда,
Мушрик бўлса ҳам оҳин, тинглаб турарди АЛЛОҲ.
173
Зубайдлик бу инсон, ёрдам сўрар ҳар кимдан,
Эй Макканинг шайхлари , ибн Воил ҳаққимдан,
Олиб қўйди боримни, қараб турманглар зимдан,
Барча элни Воилдан, қўрқитиб қўйди АЛЛОҲ.
174
Парво қилмас нолага, Макканинг бор саййиди,
Қўрқиб турар бариси, босар Воил ҳайбати,
Хиёнат кўп шаҳарда, бу уларнинг одати,
Шундай золим элатни, кўриб турарди АЛЛОҲ.
175
Ҳафсаласи пир меҳмон, ёрдам бермас ҳеч инсон,
Одам жасур бўларкан, молига етса нуқсон,
Бу шаҳарни шармисор, қиларман энди осон,
Ёлғиз мазлум қалбига, шижоат берди АЛЛОҲ.
176
Келди Каъба тошига, мушкул тушиб бошига,
Дардин айтиб дод солди, етди кекса ёшига,
Барча хайрон йиғилиб, келди унинг қошига,
Энг аввало фарёдин, эшитиб қўйди АЛЛОҲ.
177
Макка аҳли келдилар, эшитиб дод войини,
Ҳолин сўраб билинглар, мусофирнинг жойини,
Нега бехурмат қилар, Каъбатуллоҳ пойини,
Бор ҳолини айтмоқга, имкон берганди АЛЛОҲ.
178
-Макка шаҳрин улуғлаб, мол келтирдим авайлаб,
Молим олди бир золим, пулим бермай зорайлаб,
Ҳеч вақосиз қолдирди, кенг дунёни торайлаб,
Зулм қилди у менга, гувоҳим фақат АЛЛОҲ.
179
Ёрдам сўрайман сиздан, бу ерда йигит бўлса,
Мен ёлғизман хор қилманг, сизда мурувват бўлса,
Шарманда бўлманг кўпга, сизларда ҳаё бўлса,
Ёлғиз кимсага ҳамроҳ , бўлиб турганди АЛЛОҲ.
180
Савдогарнинг сўзлари, мардлар учун, ор бўлди,
Ос ибн Воил деб, Макка аҳли хор бўлди,
Иймони йўқ шунда ҳам, инсофлилар бор бўлди,
Мағрур юрган бу элнинг, кўзин очганди АЛЛОҲ.
181
Бу ишларнинг барига, бўлғуси Набий(С.А.В) гувоҳ,
Билдилар бунинг бари, жуда ҳам катта гуноҳ,
Нафрат билан айтарлар, мазлумга бўлсам паноҳ,
Йигирма ёш халоскор, Унга(С.А.В) дарс берар АЛЛОҲ.
182
Абдуллоҳ бин Жудъонни,номус юзда порлади,
Эрман деган барчани, ўзуйига чорлади,
Ибни Воил ишлари, шаънимизни хорлади,
-Ҳам шаҳарлар келинглар, бир қилсин бизни АЛЛОҲ.
183
-Номуси бор эй дўстлар, бирлашайлик шан учун,
Энг шарафли халқ бизлар, курашайлик ор учун,
Дунё бизга кулмасин, арзимаган мол учун,
Мазлумни шу халқ билан, қувватлаб қўйди АЛЛОҲ.
184
Фузул шартномасини, ёзибичди қасамёд,
Қайси меҳмон ё муқим, золимдан қилса фарёд,
Ким бўлса ҳам у золим, қилармиз уни барбод,
Бир тану бир жон қилиб,олға юргизди АЛЛОҲ.
185
Сўнгра йўлга чиқдилар, барча бўлиб битта жон,
Асло ортга қайтмаслар, тўкилса ҳам қизил қон,
Золимдан ҳаққин олиб, мазлумга берди шу он,
Фузул шартномасини, фазилат қилди АЛЛОҲ.
186
Росулимнинг сўзлари, эслаб айтар Ўзлари,
Ислом келмай аввали, залолат кишилари,
Менга манзур воқеъа, “Фузул” номли ишлари,
Ўшал ишдан ҳаттоки, рози бўлганди АЛЛОҲ.
Жиззах шаҳар “ИМОМ БУХОРИЙ”
Жомеъ масжиди, имом ноиби
Ҳалилов Умиджон Абдуҳаким хожи ўғли
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
