1442 йил 11 рабиъус сони | 2020 йил 27 ноябрь, жума
Минтақа:
ЎЗ UZ RU EN
Шахсият

Азалда тақдир қилинган бўлса-да, ризқларни сабабларга боғлаш

18:21 / 18.10.2017 3415 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Албатта, Аллоҳ ризқларни Лавҳда Ўзи ирода қилган миқдор, Ўзи ирода қилган кайфият ва Ўзи ирода қилган вақтга кўра битиб қўйган.

Нафс бир нарсани истайди ва ўша истак Лавҳда битилганга гоҳида мувофиқ бўлади, гоҳида мухолиф бўлади. Агар ушбу зикр қилинган сабаблар бўлмаса, албатта, нафснинг шаҳвати ғалаёнга тушар ва ўша битилган тақдирни яхши деб билишга қодир бўлмас эди. Шундай экан, бунда одамларнинг қалблари учун фасод бор. Шу нуқтаи назардан сабаблар одамларнинг эътиборини тақдирга битилган нарсадан талаб қилинадиган нарсаларга ва касбларга бурадиган қилиб қўйилган. Токи улар бу борада ўзларини маломат қилсинлар.

Аллоҳ таолонинг тақдирга битилган нарсаларга сабабларни боғлаб қўйиши ўлим фариштаси туфайли бўлган. У келиб, очиқчасига одамларнинг жонини олар, одамлар эса уни сўкишарди. Шунда у Аллоҳга шикоят қилган. Шундан сўнг дард ва касалликлар туширилган. Сабаблар касалликлар ўрнидадир. Ризқ эса ўлим ўрнида. Иккисининг бошланиши ҳам Аллоҳнинг ҳузуридандир. 

Аллоҳ молнинг аҳамиятини ва унинг динга қувват эканини баён қилиб айтади:

«...Аллоҳ сизларга (ҳаёт) тиргаги қилиб қўйган молларингизни эсипастларга берманг...»[1] 

 

РИЗҚ ТАЛАБ ҚИЛИШНИ ТАРК
ЭТИШГА ҲУЖЖАТ ЙЎҚ

Баъзилар: «Дин ишларига берилган айрим одамлар ризқ талабини тарк қилиб, «Ризқнинг кафолатини Аллоҳ Ўз зиммасига олгандир», дейишади».

Расулуллоҳ соллаллоҳу алайҳи васалламдан келган:  

 «Албатта, ризқ бандани худди ажал унинг ортидан қувгандек қувади»[2].

Аллоҳ таоло демиш:

«...Ким Аллоҳга тақво қилса, унинг йўлини очиб қўюр. Ва унга ўзи ўйламаган тарафдан ризқ берур...»[3]

«Расулуллоҳ соллаллоҳу алайҳи васаллам: «Буни ол! Сен унга бормасанг, у сенга келади», деганлар»[4].

Улар ўтириб олиб, ризққа ва кафилнинг бу борада уларга вафо қилишига интизор бўладилар. 

 

Шайх Муҳаммад Содиқ Муҳаммад Юсуф

  (Касбнинг баёни китобидан)


_______________________________________________

[1] Нисо сураси, 5-оят.

[2] Баззор, ИбнҲиббон, Байҳақий ва бошқалар ривоят қилишган.

[3] Талоқ сураси, 2–3-оятлар. 


[4] Ибн Ҳиббон, Табароний, Байҳақий вабошқалар қилган ривоятда Набий соллаллоҳу алайҳи васаллам тушибқолган хурмони олиб, тиланчига узатиб, шу гапни айтганлар.

 

Муаллиф
islom.uz
Мавзуга оид мақолалар
Аллоҳ ароқ ва қиморнинг ҳаромлигини баён қилиб, шундай дейди .Эй иймон келтирганлар Албатта, хамр, қимор, бутлар ва фол очадиган чўплар ифлосдир. Шайтоннинг ишидир. давоми...

1891 05:00 / 02.03.2017
Ислом тарихига диққат билан назар ташлар эканмиз, ушбу ояти карима мўъжизаси олдида бош эгамиз. Мусулмон уммати иймонига қанчалик содиқ бўлса, Аллоҳнинг ёлғиз давоми...

1745 05:00 / 02.03.2017
Шайтонни гувоҳликка чақирамизмиБугун атрофимизда ҳамма нарса етарли ва бисёрлиги диндорлар томонидан шариат амрига риоя этиб яшаш имкониятини қисқартирадиrdquo давоми...

2920 19:23 / 05.01.2018
Абу Ҳурайра розияллоҳу анҳудан ривоят қилинади.Набий соллаллоҳу алайҳи васаллам .Албатта, Аллоҳ аксани яхши кўради ва эснашни ёмон кўради. Бас, ким акса ургандан давоми...

9358 05:00 / 02.03.2017
Видеолар

250 09:58 / 21 ноябрь
Аудиолар

47428 11:58 / 10.10.2018
«Ҳилол» журнали
Топ рейтинг www.uz Openstat