1442 йил 10 жумадис сони | 2021 йил 24 январь, якшанба
Минтақа:
ЎЗ UZ RU EN
Шахсият

Киши бир қавмни яхши кўрса-ю, уларга етиша олмаса

20:22 / 02.07.2017 2468 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

351. Абу Зарр Ғифорийдан ривоят қилинади:

«Расулуллоҳ соллаллоҳу алайҳи васалламдан:

«Эй Аллоҳнинг Расули! Киши бир қавмни яхши кўрса-ю, уларнинг амалларига етиша олмаса (қандай бўлади)?» деб сўрадим.

«Эй Абу Зарр! Сен ўзинг муҳаббат қўйган одамларинг билан биргасан!» дедилар.

«Мен Аллоҳга ва Аллоҳнинг Расулига муҳаббат қўйганман», дедим.

«Эй Абу Зарр! Сен кимга муҳаббат қўйган бўлсанг, ўшалар билан биргасан!» дедилар».

Шарҳ: Демак, ҳар биримиз ана шундай муҳаббат соҳиби бўлишимиз керак. Ҳар бир мўмин-мусулмон банда аввало Аллоҳ таолога, сўнгра Расулуллоҳ соллаллоҳу алайҳи васалламга муҳаббат қўйса, бунинг эвазига муҳаббат қўйганлари билан бирга бўлиш бахтига мушарраф бўлади.

Шу билан бирга, бу киши солиҳ, азиз, муҳтарам, дуогўй кишиларга ҳам муҳаббат қўйса, улар билан ҳам бирга бўлиш бахтига эришади.

352. Анасдан ривоят қилинади:

«Бир киши Набий соллаллоҳу алайҳи васалламдан:

«Эй Аллоҳнинг Набийси, қиёмат қачон?» деб сўради.

«Сен унга нима тайёрладинг?» дедилар.

«Мен катта нарса тайёрлаганим йўқ. Фақат Аллоҳга ва Унинг Расулига муҳаббат қўйганман, холос», деди.

«Киши муҳаббат қўйгани билан бирга», дедилар.

Анас: «Мусулмонларнинг Исломдан кейин ўша кундагидек шодон бўлганларини кўрмадим», деди».

Шарҳ: Савол сўраган киши билан Расулуллоҳ соллаллоҳу алайҳи васалламнинг ўрталарида бўлиб ўтган суҳбатни эшитган мусулмонлар ниҳоятда хурсанд бўлиб кетишган экан. Ҳазрати Анас мусулмонларнинг бу қадар севинганларини умр бўйи бошқа кўрмаган эканлар. Чунки уларнинг ҳар бирида Аллоҳга ва Аллоҳнинг Расулига нисбатан муҳаббат бор эди. Расулуллоҳ соллаллоҳу алайҳи васаллам эса уларга шу муҳаббатлари туфайли қиёмат куни Аллоҳ билан, Расулуллоҳ соллаллоҳу алайҳи васаллам билан бирга бўлишларини ваъда қилдилар.

Ҳақиқатан ҳам бу улуғ бир мақомдир, шунинг учун ана шу буюк мақомга эришишга ҳаракат қилишимиз, доимо шундай тушунчада бўлишимиз лозим бўлади.


Шайх Муҳаммад Содиқ Муҳаммад Юсуф

  (Одоблар ҳазинаси китобидан)



Муаллиф
islom.uz
Мавзуга оид мақолалар
Абдуллоҳ ибн Амрдан ривоят қилинади.Расулуллоҳ соллаллоҳу алайҳи васаллам дуо қилганларида кўпинча .Аллоҳим Мен сендан сиҳатсаломатликни, иффатни, омонатни, давоми...

1979 05:00 / 03.03.2017
Абу Мусо Ашъарий розияллоҳу анҳудан ривоят қилинади.Расулуллоҳ соллаллоҳу алайҳи васаллам .Ким нард ўйнаса, батаҳқиқ Аллоҳга ва унинг Расулига осий бўлибди,, давоми...

1906 05:00 / 02.03.2017
Уламоларимизнинг таъкидлашларича, давонинг барчаси икки нарсага парҳезга ва соғлиқни сақлашга боғлиқдир. Парҳез бузилса соғлиқ бузилади. Соғлиқ бузилганда уни давоми...

2352 05:00 / 01.03.2017
Аллоҳ таоло.Албатта, Аллоҳ адолатга, эҳсонга, қариндошларга яхшилик қилишга амр этадир ва фаҳшу мункар ҳамда зулмкорликдан қайтарур. У сизларга ваъз қилур. Шоядки, давоми...

2494 05:00 / 03.03.2017
Видеолар
Аудиолар

51577 11:58 / 10.10.2018
«Ҳилол» журнали
Топ рейтинг www.uz Openstat