Жинисий тарбия
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Афсуски, ҳозирги ўспирин ва ёшлар Исломга зид бўлган жинсий одоб-ахлоқни тарғиб қилувчи филм, телесериал, телекўрсатув, мусиқа, видеоклип, журнал, интернет ва ҳоказолар таъсири остида шаклланишяпти. Албатта биз мусулмон ота-оналар фарзандларимизни бундай хил таъсирдан имкон борича чеклашимиз ва асрашимиз шарт. Лекин фарзандларимиз жамиятга (кўча, мактаб ва ҳ.з) кириб борганда бу таъсир остига мактабдошлар ёки дўстлар орқали тушишлари мумкин. Яъни айтмоқчиманки ҳозирги глобал асримизда бу каби «пропаганда» ҳамма ерда бор ва ота-оналар буни контрол қила олиши ниҳоятда мушкул. Шундан келиб чиққан ҳолда биз бундай таъсирнинг олдини олиб фарзандларимизга жинсий одоб ва ахлоқ масалаларига оид исломий таълим ва тарбияни беришимиз зарурми? Зарур бўлса ўзимиз бевоситами ёки билвоситами (масалани исломий китоблар, устозлар орқали) ва фарзандларимизнинг неча ёшидан бошлаб, қандай усул ва тартибда беришимиз керак?
ЖАВОБ: Бисмиллаҳир роҳманир роҳийм.
Динимизда жинсий тарбияни болалар жуда ёшлигидан бошлаш тавсия қилинган. Болаларнинг ётоқларини алоҳида қилишни тавсия қилувчи ҳадислар бор. Шу йўл билан уларнинг жинсий майлларининг эрта бузилиши олди олинади. Кейин қиз ва ўғил болаларни алоҳида ўйнатиш ва ўқитиш, аврат масаласини англатиш ва тақво каби омиллар тушунтириб борилади. Шу тарийқа сиз айтган нарсаларни кўришни йўққа чиқарувчи маънавий тўсиқ пайдо қилинади.
Вояга етганларга эса, китоблар орқали бу масала тушунтирилади. Валлоҳу аълам.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
