чап қўлда чой қуйиб ичиш мумкинми?
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
САВОЛ: Шайх ҳазратлари, чап қўлда чой қуйиб ичиш мумкинми? Бу борада домлалардан ҳам сўрадик. Бир домла мумкин, яна бир домла мумкинмас деди. Бу ҳақда нима дейсиз? Биз қайси бирига ишонайлик?
ЖАВОБ: Бисмиллаҳир роҳманир роҳийм.
Бу гап диний саводи йўқ бўла туриб билимдонликни даъво қиладиганлардан чиққан. Ҳадисларда чап қўл ила таом ейиш ман қилинган. Аммо чап қўл ила чойни пиёлага қуйиш ман қилинмаган. Пиёлани ўнг қўлда ушлаб тургандан кейин чойнакни чап қўлда ушлашдан бошқа иложи қолмайди.
Бу қийшиқ фалсафанинг соҳиблари шунинг учун пиёлани ерга қўйиб туриб унга чой қуйишади. Аслида эса улар айтаётган гапнинг шариатга алоқаси йўқ. Улар чап қўл билан чой қуйса макруҳ бўлиб қолади, бу иш мумкин эмас, дейишади.
Олимларимиздан бирлари ўша ўзича ҳукм чиқариб, чойни чап қўл билан қуйиб бўлмайди дейдиганлардан бири билан ўтирган экан. Олдиларига ош келтирилибди. Гўштни тўрға, депти олим. Ҳалиги одам ўнг қўли билан пичоқни, чап қўли билан гўштни ушлаб тўрғай бошлабди. Шунда олим, гўштни чап қўл билан ушлаб расво қилдинг-ку! депти. Ҳалиги одам ўзига келибди. Шунчадан бери чойни ўнг қўл билан қуймаса бўлмайди, деган сафсатаси беҳуда эканини тушунибди. Валлоҳу аълам.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
