Тор шим киййиш ҳақида
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
САВОЛ – Ўғил болалар ва эркаклар учун қизил ва сариқ рангдаги кийим кийиш макруҳми? Тор шим кийишнинг ҳукмичи?
ЖАВОБ – Ўғил болалар ва эркаклар умуман эркак кишиларга қизил кийим кийиш ҳақида батафсилроқ гапиришга тўғри келади. Бу ерда агар қизил ҳолис қип-қизил кийим бўлса эркак кишиларга қандай бўлади деган саволга, уламолар икки ҳил жавоб берган. Жумладан ханафий мазҳабининг уламолари ҳам икки ҳил жавоб берганлар. Баъзилари макруҳ бўлади бўлмайди киймаслик керак, дейишади. Баъзилари бўлади кияверса жоиз деган маънони айтишади. Ва бунга икки тараф ҳам ҳадисларда далилларни келтиришади. Энди бир улар иттифоқ қилишган жойи борки, қизил матони ичида бошқа рангдаги йўли бўлса бошқа рангдаги демак безаклари уни кийишига бўлишига ҳамма иттифоқ қилган. Ва Пайғамбаримиз с.а.в. нинг қизил ридолари бор эди, қизил қотифалари бор эди, деган ҳадисларни булар ҳаммаси Ямандан келган кийимлар эди. Ана шу Яманий кийимларни қизилини ҳам ичида бошқа рангдаги йўлоқлари бўлар эди деган маънони айтишган. Сариқ рангдаги кийим тўғрисида гапирадиган бўлсак, асли ранги сариқ бўлса ҳечқиси йўқ. Лекин Арабларда авваллари заафарон билан ёки яна бир бўёқ билан кийимни ҳиди чиқиб туриши учун бўяб олиш ҳолатлари бор экан. Ҳидли ҳиди жуда анқиб турадиган бир ўсимликлардан бўлган бўёқ экан, улар сариқ рангда бўлар экан. Шунда бўяб олиш "мусоффор" дейилади, булар мумкин эмас, лекин асли сариқ рангдаги бўлса мумкинлиги китобларимизда батафсил айтилган. Тор шим кийишни ҳукмичи? Шимни эркак кишилар кияётган бўлса, тор кийиши ўзи учун қийинчилик туғдириш маъносида, унча тўғри келмаслик тўғрисида мулоҳаза қилиниши мумкин. Лекин қизлар аёллар кийса фақат шимни ўзини кийиб юришлари жоиз эмас, кийган шимини устидан у оёғини ёки баданини шаклини тўсиб турадиган яна устидан бир кенгроқ кийим кийиши лозим бўлади. Тор шимни ўзини кийиб юриш мўмина-муслима қизларга тўғри келмайди.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
