1442 йил 18 ражаб | 2021 йил 02 март, сешанба
Минтақа:
ЎЗ UZ RU EN
Савол жавоб

Замонавий контрацептив воситалардан...

18:58 / 26.04.2016 2200 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Замонавий контрацептив воситалардан фойдаланиш ҳақида ислом дини қандай кўрсатмалар беради?

Замонавий ҳомилани ман қилувчи воситалар албатта бизнинг замонамизда чиққан. Қуръони карим нозил бўлиб турган пайтда, Пайғамбаримиз (сав) ҳаётда юрган пайтларида, саҳобаларнинг даврларида, тобеъинларнинг даврларида, табаъ тобеъинлар, кейинги мужтаҳид уламоларимизнинг даврларида бу каби воситалар бўлмаган. Ҳомилани ман қилувчи воситалар яқин орада юзага чиқди, уни албатта ғарбдаги халқларнинг вакиллари, мутахассислари чиқаришди. Шунинг учун бу нарса аввал ғарбда жорий бўлиб, татбиқ қилиниб, кейин шарққа, мусулмонлар яшайдиган юртларга ҳам кириб келди, шунинг учун ҳозирги саволга ўхшаш саволлар мусулмон уламоларига мусулмон кишилар томонидан берилалиган бўлди. Буни уламоларимиз ўрганиб чиқдилар. “Қадимда шунга ўхшаш бирор ҳодисалар, амалиётлар бўлганмикан?” деган саволларга ўша пайтда арабларда “азл” деб аталган нарса бўлишини ўрганилди, китобларда борлиги, ривоятларда келганлиги маълум ва машҳур нарса. “Азл” деганда шу жинсий алоқа пайтда уруғликни эркак киши ташқарига тўкиши тушунилади. Ана шуни ҳомилани олдини олиш воситаси деб тушунилди, бунга уламолар ўша пайтдаги демак сўралган зотлар қандай жавоб берганлигига қаралди. Бу нарса кўпроқ чўрилари бор кишилар томонидан чўрилари билан бўлган муносабатда қилинганлиги ҳам аниқланди. Энди бу масала бизда йўқлиги учун унга мурожаат қилинмайди. Чўримас, ҳур аёлларга бўладиган муносабатда “Ана шу аёлнинг ўзини рухсати билан қилса бўлади, эмизикли бўлиб турган аёлни яна ҳомиладор бўлиб қолмаслигининг чорасини кўриш воситасида қилган бўлишлари мумкин” деган гаплар айтилди. Мана шунинг асосида бугунги кунда жорий бўлган ҳомилани ман қилиш воситаларини ишлатиш, у бир қўйиладиган асбоб бўладими ёки ичиладиган дори сифатидаги нарса бўладими, ёки бошқа-бошқа ҳолатлар бўладими, уламоларимиз айтадики: “Бу нарсалардан фойдаланишга фақат аёл кишининг соғлиги ҳомиладорликни кўтара олмайдиган пайтда, ана шу нарсадан бир оз четланиб туриб, аёл ўз соғлигини тиклаб олганидан кейин яна ҳомиладор бўлиш қобилияти ўз ўрнида турадиган ҳолатда қилиб, истисно тариқасида фойдаланса бўлади” деган таъкидни айтадилар. Лекин зинҳор ва зинҳор наслни чеклаш маъносида, бола кўрмасликдан бир чора сифатида, бола кўришликдан қочиш маъносида буни қилишга рухсат берилмайди.

Муаллиф
islom.uz
Мавзуга оид мақолалар
САВОЛ Асcалому алайкум ҳазрат, Қуръони каримни одамлар 7 хил олимлар қироати билан ўқишади дейишади 1. Биз ўзбеклар қайси олимнинг қироатида ўқиймиз 2. Ўқиётган давоми...

2068 20:57 / 25.04.2016
2278. Ҳайъатга жаноб Аҳмаддан қуйидаги савол тақдим этилди Бир киши масжидга кириб имомга икки ракат ёки ундан оз ёхуд кўп ўтгандан кейин иқтидо қилган одамни кўрди. давоми...

1652 16:32 / 27.04.2016
Ассалому алайкум, ҳурматли, Шайх ҳазратлариИсломда бағрикенглик ҳақида сўрамоқчи эдим. Шу ҳақда батафсил маълумот берсангиз.ЖАВОБ Бисмиллаҳир роҳманир давоми...

2309 16:27 / 27.04.2016
СаволХурматли хазрат саволим офтобди исиган сувдан фойдаланиш хақида, бизнинг масжидда бочка ва обдасталарга сувни қуйиб, кун тегадиган жойда қўйиб иситишади ва давоми...

3885 08:10 / 14.01.2018
Видеолар

100 14:00 / 20 февраль

211 17:19 / 18 февраль
Аудиолар

54113 11:58 / 10.10.2018
«Ҳилол» журнали
Топ рейтинг www.uz Openstat